>> चेतन व्यास
Samruddhi Mahamarg Accident News: समृद्धी महामार्गावर (Samruddhi Mahamarg) पुन्हा एक भीषण अपघात झाल्याची बातमी समोर येत आहे. या अपघातात दोन जणांचा मृत्यू झाल्याची माहीती मिळाली आहे.
मिळालेल्या माहितीनुसार, सुसाट कारच्या स्टेअरिंगवरुन चालकाने नियंत्रण सुटल्याने अनियंत्रीत कार थेट पुलाखालून रस्ता दुभाजकावर धडकली. या अपघातात कारमधील दाम्पत्याचा मृत्यू झाला तर चालक व दोन लहान मुले गंभीर जखमी झाले.
हा अपघात येळाकेळी येथून समोर गेलेल्या समृद्धी महामार्गावर पुलगाव नजीक झाला. या अपघाताची सावंगी पोलिसांनी नोंद घेतली. प्रियरंजनकुमार गोहित (३७) आणि सोनी प्रियरंजन गोहीत (३५) अशी मृतकांची नावे आहे. तर जखमींमध्ये चालक पेंदुकर इंद्रकुमार बैद आणि सान्वी गोहीत (८) व यीक्षीत गोहीत (४) यांचा समावेश असून त्यांच्यावर सावंगी येथील रुग्णालयात उपचार सुरु आहेत. (Latest Marathi News)
प्रियरंजनकुमार गोहित हे मुळचे मधुबिना जिल्हा बिहार येथील रहिवासी आहेत. मात्र, ते पुणे येथे नोकरी करत होते. आज ते नागपूर येथून कारने मुंबईकडे जात होते. चालक पेंदुकर बैद याला झोपेची डुलकी लागल्याने त्याचे वेगात असलेल्या कारच्या स्टेअरिंगवरुन नियंत्रण सुटले आणि कार थेट दुभाजकावर जाऊन आदळली. यात कारमधील पाचही जण गंभीर जखमी झाले. जखमींना तत्काळ सावंगी येथील रुग्णालयात नेले असता दोघांचा मृत्यू झाला आहे. (Accident News)
शनिवार आणि रविवार सलग दोन अपघात
तत्पूर्वी शनिवारी या महामार्गावर कारला भीषण अपघात (Car Accident) होऊन चिमुकल्याचा मृत्यू झाला होता. तर रविवारीही अनियंत्रित कार दुभाजकावर धडकल्याने भीषण अपघात झाला. या अपघातामध्ये पाच जण गंभीर जखमी झाले आहेत.
मिळालेल्या माहितीनुसार, समृद्धी महामार्गावर रविवारी अनियंत्रित कार दुभाजकावर धडकली. येळाकेळी शिवारात हा अपघात झाला. या अपघातात 5 जण गंभीर जखमी झाले आहेत. अपघाताची माहिती मिळताच स्थानिक नागरिकांनी आणि पोलिसांनी घटनास्थळी धाव घेतली. जखमी झालेल्या कारमधील पाच जणांना तात्काळ रुग्णालयात उपचारासाठी दाखल करण्यात आले.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.