मनोज जयस्वाल, साम टीव्ही वाशिम
समृद्धी महामार्गावर उभ्या असलेल्या कंटेनरला मागून येणाऱ्या ट्रकने धडक दिली (Samruddhi Highway Accident) आहे. या अपघातामध्ये कंटेनर चक्काचूर झाला आहे. तर ट्रकच्या धडकेत एक ठार तर दोनजण गंभीर जखमी झाले आहे. अपघाताच्या घटनांमुळे समृद्धी महामार्गावर नेहमीच चर्चेत आहे. अद्यापही या महामार्गावरील अपघाताचं सत्र संपत नाहीये.
पुन्हा एका भरधाव ट्रकच्या धडकेत एका व्यक्तीचा मृत्यू या महामार्गावर (Truck Hits Container) झाला आहे. समृद्धी महामार्गावर ट्रकने धडक देत भीषण अपघात झाल्याची घटना घडली आहे. हा भीषण अपघात वाशिमच्या कारंजाजवळ लोकेशन 181 वर घडला आहे. यात एक ठार तर दोन जण गंभीर जखमी झाल्याची माहिती मिळत आहे. ट्रकच्या भरधाव वेगामुळे हा अपघात झाल्याचं समोर येत आहे.
कंटेनरचा ड्रायव्हर आणि क्लीनर कंटेनरच्या टायरमध्ये हवा चेक करण्यासाठी खाली उतरले होते. ते दोघेही रस्त्यावर (Samruddhi Highway) उभे होते. तेवढ्यात मागच्या बाजुने एक भरधाव ट्रक आला. या ट्रकने त्यांना जोरदार धडक दिली. या धडकेत एक जण जागीच ठार झाला तर गंभीर जखमी झाला आहे. यामध्ये ट्रकचालक सुध्दा गंभीर जखमी झाल्याची माहिती मिळत आहे.
ट्रकचालक बराच वेळ वाहनात अडकून पडला (Accident News) होता. त्याला शर्थीच्या प्रयत्नानंतर बाहेर काढण्यात यश आलं आहे. बाहेर काढल्यानंतर ट्रक चालकाला तात्काळ रुग्णालयात हलविण्यात आलं होतं.अपघाताची माहिती मिळताच पायलट ठाकरे आणि डॉ. वाट घटनास्थळी पोहचले. दोन्ही गंभीर रुग्णांना उपजिल्हा रुग्णालयामध्ये दाखल करण्यात आलं आहे. हायवे पोलीस आणि अग्निशामक दल घटनास्थळी उपस्थित आहेत. अपघाताची पुढील चौकशी (Washim News) केली जात आहे.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.