Samruddhi Highway Accident: समृद्धी महामार्गावरील अपघातांची मालिका सुरूच; भीषण कार अपघातात तिघांचा जागीच मृत्यू

सचिन बनसोडे

Ahmednagar Accident News: समृद्धी महामार्गावर अपघाताची मालिका सुरूच आहे. समृद्धी महामार्गावर पुन्हा एकदा भीषण अपघात झाला आहे. नांदेडहून मुंबईकडे जाणाऱ्या कारचा अपघात झाल्याची घटना घडली. या अपघातात तिघांचा जागीच मृत्यू झाला आहे. नगरच्या कोपरगाव तालुक्यातील धोत्रे गावाजवळ हा भीषण अपघात झाला आहे. (Latest Marathi News)

मिळालेल्या माहितीनुसार, समृद्धी महामार्गावर पुन्हा एकदा भीषण अपघात अपघात झाला आहे. या भीषण अपघातात तिघे जण जागीच ठार झाले आहेत. या मृतांमध्ये एक महिला आणि दोन पुरुषांचा सामावेश आहे.

नांदेडहून मुंबईकडे जाताना कोपरगाव तालुक्यातील धोत्रे गावाजवळ हा अपघात झाला आहे. या अपघातानंतर अनेक जण जमा झाले. त्यांनी तातडीने पोलीस आणि रुग्णालयाला कळवलं. त्यानंतर रुग्णवाहिका अपघातस्थळी पोहोचली.

नेमका अपघात कसा झाला?

समृद्धी महामार्गावर कारचा भीषण अपघात झाल्याची माहिती समोर आली आहे. नांदेडहून मुंबईकडे जाताना कोपरगाव तालुक्यातील धोत्रे गावाजवळ अपघात झाला आहे. समृद्धी महामार्गावर ही कार दुभाजकाला धडकली. त्यानंतर कारवरील नियंत्रण सुटल्याने अपघात झाल्याचा प्राथमिक अंदाज आहे.

या अपघातात कारचा अक्षरशः चक्काचूर झाला आहे. तर या अपघाताने तिघांच्या मृत्यूने समृद्धी महामार्गावरील मृतांचा आकड्यात भर पडली आहे.