...म्हणून महाराष्ट्रातील राजकीय गाेंधळ संपला पाहिजे : संभाजीराजे छत्रपती

जालना : राज्यात (maharashtra) सर्वसामान्य माणसांचे प्रश्न कायम आहेत. त्यामुळे राज्यात कुणीही सत्तेत या आणि कुणीही विरोधात बसा पण राज्यात सुरू असलेला गोंधळ लवकरात लवकर संपवा आणि सर्वसामान्य माणसांचे प्रश्न सोडवा असे संभाजीराजे छत्रपती (yuvraj sambhajiraje chhatrapati) यांनी म्हटलं आहे. (sambhajiraje chhatrapati yuvraj latest marathi news)

संभाजीराजे छत्रपती बीड येथे कार्यक्रमासाठी जात असताना जालन्यातील वडीगोद्री येथे काही काळ थांबले हाेते. एका कार्यक्रमात राजेंनी सध्याच्या महाराष्ट्रातील सुरु असलेल्या राजकीय घडामाेडींवर भाष्य केले.

ते म्हणाले सध्या राज्यात अनेक घटकांचे प्रश्न प्रलंबित आहेत. त्यातच राज्यात अजून ही पाऊस नसल्याने शेतकरी चिंतेत आहे. त्यामुळे राज्यातील गोंधळ संपवून प्रलंबित प्रश्न मार्गी लागले पाहिजेत. दरम्यान स्वराज्य संघटनेच्या माध्यमातून शेतकरी प्रश्न असो किंवा सर्वसामान्य प्रश्न असाे हे सोडवण्याचे काम करु या. काेणाला सत्तेत बसायची आहे त्यांनी सत्ते बसा. काेणाला विराेधात बसायचे आहे त्यांनी विराेधात बसा पण शेतक-यांचे प्रश्न तातडीने साेडविण्यासाठी प्रयत्न करा.

Edited By : Siddharth Latkar