'सैराट' फेम प्रिन्स सूरज पवारच्या फसवणूक प्रकरणात अडचणी वाढणार? पोलीस चौकशीला राहिला गैरहजर

सचिन बनसोडे

Ahmednagar crime news : नोकरीचे आमीष दाखवून फसवणूक केल्याच्या प्रकरणात सैराट फेम प्रिन्स अर्थात अभिनेता सूरज पवार याचं नाव समोर आलं होतं. याच प्रकरणात पोलिसांनी चौकशीसाठी आज, सोमवारी बोलावलं होतं. मात्र, सुरज पवारने पोलीस (Police) चौकशीला दांडी मारली आहे. त्यामुळे सूरज पवारच्या अडचणी वाढण्याची शक्यता आहे.

मंत्रालयात नोकरी लावून देण्याचे आमीष दाखवून नेवासा तालुक्यातील युवकाची आर्थिक फसवणूक केल्याप्रकरणी आरोपी चार आरोपींनी पोलिसांना अटक केली आहे. या चौघांच्या चौकशीदरम्यान अभिनेता सूरज पवारचे नाव समोर आलं होतं. त्यामुळे राहुरी पोलिसांनी शुक्रवारी पोलिसांनी बोलावले होते.

सोमवारी बँक डिटेल्स आणि डिटेल्स काही कागदपत्रांसह पुन्हा चौकशीसाठी हजर राहण्याचे आदेश पोलिसांनी दिले होते. मात्र, आज, सोमवारी सूरज पवार चौकशीला गैरहजर राहिला. सूरज तब्येत ठीक नसल्याने तो आजच्या ऐवजी उद्या हजर राहील, अशी विनंती सूरजच्या वकिलांनी केल्याची माहिती राहुरी पोलिसांनी दिली आहे.

दरम्यान , सदर प्रकरणात सूरज पवारचे नाव आल्याने मोठी खळबळ उडाली आहे. आता उद्या सूरज राहुरी पोलिसांसमोर चौकशीला हजर राहणार का ? हे पाहणं महत्वाचं ठरणार आहे. मात्र, कागदपत्रांत त्रुटी किंवा तपासात सहकार्य नसल्यास सूरजला अटक होण्याची शक्यता व्यक्त करण्यात येत आहे.