Crime : फाेनवर काॅलेजकुमारी धाय माेकलून रडली, कुटुंबास धक्का; दाेघे अटकेत

- संजय राठाेड

Yavatmal Crime News : महाविद्यालयीन विद्यार्थिनीवर अत्याचार करण्यात आल्याची घटना वडकी पोलीस स्टेशन अंतर्गत उघडकीस आली आहे. या प्रकरणी माळेगाव आणि राळेगाव तालुक्यातील दोन जणांना अटक (arrest) करण्यात आली आहे. अंधाऱ्या खोलीत डांबून ठेवत झालेल्या या अत्याचार प्रकरणात तीन महिलांचाही सहभाग असल्याची माहिती पुढे आली आहे.

वडकी पोलीस ठाणे अंतर्गत एका गावातील सतरा वर्षीय तरुणी महाविद्यालयात जाण्यासाठी सकाळी दहा वाजता घरून गेली. घरी परत न आल्याने शोधाशोध सुरू झाली. संबंधित तरुणी बेपत्ता असल्याने तिच्या नातेवाईकांनी वडकी पोलिसांत धाव घेतली.

त्यानंतर याच दिवशी पाच वाजताच्या सुमारास ती वडकी ऑटो पॉईंटवर पोहोचली. तिथून तिने कुटुंबातील लोकांना फोन करून बोलावून घेतले. तेथे कुटुंबियांतील लाेक आल्यानंतर तिने त्यांना सर्व हकिगत सांगितली. तरुणीच्या नातेवाईकांनी याची माहिती पाेलीसांत दिली. त्यानंतर पोलीसांनी दाेघांवर गुन्हा दाखल केला.

Edited By : Siddharth Latkar