Samruddhi Mahamarg News : समृद्धी महामार्गावर नियमांची पायमल्ली; धक्कादायक VIDEO आला समोर

Buldhana News : समृद्धी महामार्ग सुरु झाल्यापासून शेकडो अपघात या महामार्गावर झाले आहे. या अपघातांमध्ये शेकडो नागरिकांचा मृत्यू झाला आहे. नियमांचं पालन होत नसल्याने अनेक अपघात होत असल्याचं समोर आलं आहे.

पोलिसांकडून अनेक प्रकारे जनजागृती केली जात आहे. मात्र नागरिक विविध प्रकारे नियमांची पायमल्ली करताना दिसत आहेत.

समृद्धी महामार्गावरील असाच एक व्हिडीओ समोर आला आहे. अज्ञात बाईकस्वार हा जालना ते वाशिम दरम्यान भरधाव वेगाने बाईक समृद्धी महामार्गावर चालवत होता.

नागपूरकडे जात असताना या बाईकस्वाराला सिंदखेडराजा एक्झिटजवळ पोलिसांनी अडवण्याचा प्रयत्न केला असता तो न थांबता नागपूरच्या दिशेने निघाला आहे. (Latest News Update)

समृद्धी महामार्गावर बाईक चालवण्यास मनाई असताना या बाईकस्वाराने बाईक इथे चालवली. महामार्गावरून जाणाऱ्या एका कार चालकाने या बाईकस्वाराचा व्हिडीओ शूट केला आहे. यावर पोलीस आता काय कारवाई करतात याकडे सर्वांचं लक्ष आहे. (Maharashtra News)