Dombivali Crime News: डोंबिवलीत आठ लाखांचे दागिने लंपास; चोरटे सीसीटीव्हीत कैद

अभिजित देशमुख

कल्याण : डोंबिवली पश्चिमकडील एका बंगल्याच्या दरवाजाचे कुलूप तोडून अज्ञात चोरट्यानी सुमारे आठ लाखांचे (Dombivali) सोन्याचे दागिने चोरल्याची घटना समोर आली आहे. हे चोरटे सिसिटीव्ही कॅमेरात कैद झाले आहेत. या प्रकरणी विष्णूनगर पोलिसांनी (Police) गुन्हा दाखल करत चोरट्याचा शोध सुरु केला आहे. (Latest Marathi News)

डोंबिवली पश्चिमेकडील नाना शंकरशेठ रोड नंददीप अवधूत सोसायटीमध्ये असलेल्या बंगल्यातील कुटुंब शनिवारी अलिबाग फिरण्यासाठी गेले होते. यामुळे बंगल्याला कुलूप होते. घराला कुलूप असल्याची संधी साधत अज्ञात चोरट्यानी बंगल्याचे कुलूप तोडून बंगल्यातील तब्बल पावणेआठ लाख रुपये किमतीचे सोन्याचे दागिने चोरून नेले.

घराचे कुलूप तोडून चोरी करतांना चोरटे सीसीटीव्ही कॅमेरात कैद झाले आहेत. या प्रकरणी विष्णू नगर पोलीस ठाण्यात अज्ञात चोरट्या विरोधात गुन्हा दाखल करत पोलीसांनी चोरट्याचा शोध सुरु केला आहे.