Maratha Reservation : सरकारला इशारा... 'जो माणूस मरायला तयार होतो तो मारायला सुद्धा तयार होतो' (व्हिडिओ पाहा)

- चेतन व्यास

Wardha Crime News : मराठा समाजला आरक्षण देण्यात यावं याकरिता मनाेज जरांगे पाटील यांनी पुन्हा उपोषणाला सुरवात केली आहे. जरांगे पाटलांच आंदोलन व्यापक आहे. सरकारने त्यांना जी आश्वासन दिली आहेत ती पूर्ण केली पाहिजे या मताचे आम्ही आहोत असे मत शेतकरी नेते रवीकांत तुपकर यांनी व्यक्त केले. (Maharashtra News)

वर्धा येथे आयाेजिलेल्या पत्रकार परिषदेत तुपकर म्हणाले माझ्या पत्नीने जरांगे पाटलांची भेट घेत त्यांना पाठिंबा जाहीर केलेला आहे. मराठा समाज हा बहुतांश शेतकरी समाज आहे. त्याच्यावर ही गरिबीची वेळ का आली कारण शेतीच शोषण झालं आणि शेतीच्या शोषणातून ही गरिबी आली.

त्यामुळं मराठा समाजावर ही अवस्था आलेली आहे. मराठा समाजाचं म्हणणं आणि आम्ही जे म्हणतो ते एकच आहे. आम्ही जे म्हणतो आहे की आर्थिक स्तर मराठ्यांच उंचावलं पाहिजे, आर्थिक स्तर शेतकऱ्यांच उंचावलं पाहिजे. जे शेती करतो, शेतमजुरी करतो त्यांचं आर्थिक स्तर उंचावलं पाहिजे अशी आमची मागणी आहे. ('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

सरकारने जर शेतकऱ्यांकडं दुर्लक्ष केले तर मरता वो क्या नहीं करता. जो माणूस मारायला तयार होतो तो माणूस मारायला सुद्धा तयार होतो हे सरकारने सुद्धा ध्यानात ठेवावं असेही शेतकरी नेते रविकांत तुपकर यांनी नमूद केले.

दरम्यान सरकारची उस दर नियंत्रण समिती आहे. त्याची वर्षाला चार ते पाच बैठका होतात. पण सोयाबीन,कापूस, धान आणि संत्र्याच्या दराबाबत कोणतीही समिती नाहीय. सरकारने सोयाबीन,कापूस, धान आणि संत्र्याच्या दराबाबत एक समिती तयार केली पाहिजे आणि किमान दोन तरी बैठका या पिकांच्या दराबाबत घेत त्याच धोरण आखले पाहिजे अशी मागणीही तुपकर यांनी सरकारकडे केली आहे.

Edited By : Siddharth Latkar