अमर घटारे, प्रतिनिधी...
Ratnagiri Accident News: रत्नागिरी दापोलीमधून एक भीषण अपघाताची बातमी समोर आली आहे. दापोलीतील आसूद जोशी आळी इथे ट्रक आणि वडाप गाडीमध्ये भयंकर अपघात झाला असून या अपघातात चार जणांचा मृत्यू झाला. या दुर्देवी घटनेने परिसरात एकच खळबळ उडाली आहे.
याबाबत अधिक माहिती अशी की, रत्नागिरी - दापोलीतील आसूद जोशी आळी येथे दोन वाहनांमध्ये भीषण अपघाताची घटना समोर आली आहे. ट्रक आणि खासगी प्रवासी वाहनामध्ये हा भयंकर अपघात झाला. या दुर्घटनेत चार जणांचा मृत्यू झाला असून ५ जण जखमी झाले आहेत.
मृतांमध्ये २ मुलींसह २ जणांचा समावेश आहे. आज (२५, जून) दुपारी 3.30 सुमारास हा भीषण अपघात झाल्याचे सांगण्यात येत आहे. ही धडक इतकी भयंकर होती की दोन्हीही गाड्यांचा यामध्ये अक्षरशः चक्काचूर झाला. अपघातातील 5 जखमींवर उपजिल्हा रुग्णालयात उपचार सुरू होते. त्यानंतर त्यांना मुंबईला हलवण्यात आल्याचे सांगण्यात येत आहे. (Latest Marathi News)
साताऱ्यात ट्रॅक्टर उलटून चार महिलांचा मृत्यू...
दरम्यान, काल साताऱ्यातही एक दुर्देवी घटना समोर आली होती. सातारा शहराजवळच्या कारंडवाडी येथे अरुंद पुलावरून जाणारी ट्रॅक्टर ट्रॉली उलटून ४ महिलांचा मृत्यू झाला. या अपघातात एका महिला गंभीर जखमी झाली आहे. या दुर्देवी घटनेने परिसरात एकच खळबळ उडाली. (Satara Tractor Accident)
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.