BHANDARA News : भंडारा जिल्ह्यातील लाखांदूर तालुक्यात एक दिवसाच्या उसंतीनंतर पुन्हा पावसाने जोर पकडला. आज (शनिवार) या भागात सकाळपासूनच मुसळधार पावसाला सुरुवात झाली. (Maharashtra News)
तब्बल दोन तास झालेल्या मुसळधार पावसामुळे लाखांदूर तालुक्यातील सरांडी बुज गावात पुर सदृश्य परिस्थिती निर्माण झाली. अनेक घरांमध्ये पावसाचे पाणी शिरले असल्याने घरातील जीवनापयोगी साहित्याचे मोठे नुकसान झाली आहे.
लाखांदूर तालुक्यातील सरांडी बुज येथे सकाळी अचानक मुसळधार पावसाला सुरुवात झाली. ढगफुटी सदृश्य पाऊस पडल्याने गावातील रस्त्यांवर पूर सदृश्य पाणी वाहू लागला. तर रस्त्यावरून वाहणारे पाणी थेट लगतच्या घरांमध्ये शिरले. घरात जवळपास एक ते दीड फुट पाणी जमा झाले. त्यामुळे घरात ठेवलेले गहू,तांदूळ यासह अनेक साहित्याची मोठी नुकसान झाली आहे.
सरांडी बुज येथील नंदा विठ्ठल भरणे,हेमलता हेमराज मिसार्,भूपेश गजानन बुराडे,मनीषा बाळू बूराडे,तुलाराम बुरादे,हिरामण दोनाडकर,प्रतिभा ईश्वर कुथे यांच्यासह अनेकांच्या घरात पाणी शिरले आहे.
तालुका प्रशासनाने तात्काळ नोंद घेऊन मदत करावी अशी मागणी करण्यात आली आहे. लाखांदूर तालुक्यातील शनिवारी दोन ते अडीच तास मुसळधार पावसाच्या सरी कोसळल्या. त्यामुळे आता तालुक्यातील धान पिकाला मोठा फायदा झाला तर नदी नाल्यांमध्ये पाण्याची पातळी वाढली आहे.
Edited By : Siddharth Latkar
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.