Rahuri By-Election: भाजपनं राहुरीत कोणाला दिली उमेदवारी? नावाची अधिकृत घोषणा

अहिल्यानगर जिल्ह्यातील राहुरी विधानसभा जागेच्या पोटनिवडणुकीसाठी भाजपनं उमेदवाराची घोषणा केली आहे. भाजपने अक्षय कार्डिले यांना आपला उमेदवार म्हणून घोषित केले आहे. अक्षय कार्डिले हे दिवंगत शिवाजी कार्डिले यांचे सुपुत्र आहेत. काही महिन्यांपूर्वी शिवाजी कार्डिले यांचे निधन झाले, त्यानंतर पक्षाने त्यांच्या मुलाला उमेदवारी दिली.

शिवाजीराव कर्डिले यांच्या निधनानंतर रिक्त झालेल्या राहुरी विधानसभेसाठी अनेकजण इच्छुक होते. माजी खासदार सुजय विखे पाटील देखील इच्छुक होते. तिकिट मिळवण्याकरिता मोठी ताकद लावली होती. या पोट निवडणुकीसाठी आपणच पहिल्या क्रमांकाची पसंती असल्याचे सुजय विखे पाटील सांगत होते. त्यामुळे राहुरीच्या पोटनिवडणुकीत त्यांच्या भूमिकेविषयी कार्यकर्ते संभ्रमात होते. मात्र आता उमेदवारीबाबत चित्र स्पष्ट झालं असून भाजपच्या डावासमोर विरोधक चेकमेट झाले आहेत.

मागील वर्षी 17 ऑक्टोबर रोजी शिवाजीराव कर्डिले यांचे दीर्घ आजाराने निधन झाले. त्यानंतर ही जागा रिक्त झाली आहे. आता भाजपनं त्यांच्या सुपूत्रालाच उमेदवारी आहे, त्यामुळे विरोधकांचे टेन्शन वाढलंय. शिवाजीराव कर्डिले हे 'राजकारणातील किमयागार' म्हणून ओळखले जात. कोणत्याही लाटेत स्वतःचे अस्तित्व टिकवून ठेवण्याचे कौशल्य त्यांच्याकडे होते. त्यांनी आपल्या राजकीय प्रवासात राष्ट्रवादी काँग्रेस आणि भाजप अशा दोन्ही प्रमुख पक्षांतून विधानसभेचे प्रतिनिधित्व केले.

शिवाजी कार्डिले २००९ मध्ये अपक्ष उमेदवार म्हणून निवडणूक जिंकून पहिल्यांदा आमदार झाले. त्यानंतर त्यांनी राष्ट्रवादी काँग्रेस पक्षाच्या तिकिटावर लोकसभा निवडणूक लढवली, पण त्यात त्यांचा पराभव झाला. २०१४ च्या विधानसभा निवडणुका जिंकून त्यांनी पुन्हा यश मिळवले. मात्र, २०१९ च्या निवडणुकांमध्ये त्यांना पराभवाला सामोरे जावे लागले होते.