Rahata APMC Election Result: विखे पाटलांनी उधळला विजयाचा गुलाल, थोरातांना धोबीपछाड देत राहाता बाजार समितीवर निर्विवाद वर्चस्व

Rahata APMC Election Result: महसुलमंत्री राधाकृष्ण विखे पाटील यांनी गड राखला आहे. राहाता बाजार समिती निवडणूकीत विखे पाटलांनी निर्विवाद वर्चस्व सिद्ध केलंय.
Radhakrishna Vikhe Patil Vs Balasaheb Thorat
Radhakrishna Vikhe Patil Vs Balasaheb ThoratSaam TV

सचिन बनसोडे

Rahata APMC Election Result: महसुलमंत्री राधाकृष्ण विखे पाटील यांनी गड राखला आहे. राहाता बाजार समिती निवडणूकीत विखे पाटलांनी निर्विवाद वर्चस्व सिद्ध केलंय. 18 च्या 18 जागेवर भाजपचा दणदणीत विजय झाला असून थोरात गटाचा ( मविआ ) चा दारुण पराभव झाला आहे. भाजप कार्यकर्त्यांनी विजयी जल्लोष साजरा केला असून फटाक्याची आतषबाजी आणि गुलालाची उधळण करत विजयी रॅली काढण्यात आली. विखे पाटीलही या जल्लोषात सहभागी झाले होते. (Latest Marathi News)

काल संगमनेर बाजार समितीत थोरातांनी एकहाती सत्ता मिळवत विखेंना खातेही उघडू दिले नव्हते. आज राहाता बाजार समितीत विखे पाटलांनी परतफेड करत थोरातांना धोबीपछाड केलंय.

राहाता बाजार समितीत मविआला खातेही उघडता आले नाही. दुसरीकडे संगमनेरमध्ये भाजपच्या मतदारांना पडलेली मते लक्षवेधी ठरली होती. याच मुद्यावरून विखे पाटलांनी थोरातांवर निशाणा साधलाय.

Radhakrishna Vikhe Patil Vs Balasaheb Thorat
Ajit Pawar On barsu refinery project: बारसू प्रकल्पावरून अजित पवारांचं शिंदे सरकारला आव्हान, म्हणाले...

संगमनेरात भाजप उमेदवारांना पडलेलं मतदान थोरातांना अंजन घालणारे असून थोरातांनी आत्मपरीक्षण करण्याची गरज आहे..उलट राहात्यात भाजप पुरस्कृत जनसेवा मंडळावर शेतकऱ्यांनी विश्वास दाखवला

संगमनेर तालुक्यात दहशत कुणाची आहे? तिथले लोक प्रचंड दहशतीखाली होते.. लोकांनी मतपेटीतून दहशतीला उत्तर दिलेय.. संगमनेरात आमचा पराभव झाला असला तरी मिळालेल्या मतांची संख्या जास्त असल्याचे विखे पाटलांनी म्हटलंय.

Radhakrishna Vikhe Patil Vs Balasaheb Thorat
Girish Mahajan News: गिरिश महाजन हरवले आहेत, शोधणाऱ्यास ११०० रुपयांचं बक्षीस, नायगाव शहरात झळकले पोस्टर; कारण...

राहाता तालुक्यात आमची दहशत नाही. विधानसभेला जिल्ह्यात सर्वात जास्त मताधिक्य मला होतं त्याच शैल्य काही लोकांना आहे. अशा शब्दात विखे पाटलांनी बाळासाहेब थोरात यांच्यावर निशाणा साधलाय.. तर पक्षाने मला दिलेल्या संधीचे सार्थक करत असून आगामी सर्व निवडणुकांमध्ये भाजप मोठ्या मताधिक्क्याने विजयी होईल, असा विश्वास राधाकृष्ण विखे पाटलांनी व्यक्त केला आहे.

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV Marathi News | साम टीव्ही
saamtv.esakal.com