Farmer News: शेतकऱ्याची थट्टा! 95 किलो वांग्याचे मिळाले अवघे 66 रुपये; संतापाने 11 गुंठ्यातील वांग्याचे पीकचं टाकले उपटून

आत्तापर्यंत ५६,००० रुपये इतका खर्च झाला आहे. मात्र ५००० रुपये सुद्धा हातात पडले नाहीत, अशी व्यथा या शेतकऱ्याने मांडली आहे....
Baramati Farmer News
Baramati Farmer NewsSaamtv

Baramati : सध्या कांद्याचे भाव कोसळल्यामुळे शेतकरी वर्ग चिंतेत आहे. 800 किलो कांद्याचे 2 रुपये शेतकऱ्याला मिळाल्याची बातमी सर्वत्र चर्चेत आहे, ज्यामुळे संताप व्यक्त केला जात असतानाच बारामतीत आणखी एक असाच प्रकार घडला आहे. पुरंदर तालुक्यातील कुंभारवळण येथील शेतकऱ्याला 100 किलो वांग्याचे केवळ 66 रुपये मिळाल्याचा प्रकार समोर आला आहे. ज्यानंतर संतप्त शेतकऱ्याने ११ गुंठ्यातील वांगीच उपटून टाकली आहेत. (Latest Marathi News)

Baramati Farmer News
Pune News: 'मुख्यमंत्री एकनाथ शिंदे यांनी पैसे वाटले..' रवींद्र धंगेकर यांचा मोठा आरोप, गुन्हा दाखल करण्याची मागणी

याबाबत अधिक माहिती अशी की, नाना चिवटे या शेतकऱ्याने पुण्यातील गुलटेकडी येथील मार्केटमध्ये आपल्या शेतातील वांग्याची विक्री करण्यात केली होती. या विकलेल्या १०० किलो वांग्याचे अवघे ६६ रुपये शेतकऱ्याच्या हातात आले. ज्यामुळे ते चांगलेच संतापले. यानंतर हताश झालेल्या शेतकऱ्याने आपल्या ११ गुंठे शेतातील वांग्याचे पीकच उपटून टाकले आहे.

शेतीमालाला अपेक्षित दर मिळत नसल्याने शेतकरी वर्ग प्रचंड निराश झाला आहे. या वांग्याला आत्तापर्यंत ५६,००० रुपये इतका खर्च झाला आहे. मात्र ५००० रुपये सुद्धा हातात पडले नाहीत, अशी व्यथा या शेतकऱ्याने मांडली आहे.

Baramati Farmer News
Pune : सोशल मीडियावर ईव्हीएम मशीनचा फोटो शेअर करणं पडलं महागात; राष्ट्रवादीच्या रुपाली पाटील-ठोंबरेंवर गुन्हा

सध्या राज्यात सर्वच शेतमालाचे भाव पडले आहेत. त्यामुळे शेतकरी हैराण झाला आहे. तीन महिने कष्ट करून पिकविलेल्या पिकाच्या काढणीचा खर्चसुद्धा निघत नाही. राज्यकर्त्यांनी एकमेकाची उणीधुणी काढण्यापेक्षा शेतकऱ्यांना हमी भाव कसा मिळेल याकडे लक्ष द्यावं असे, शेतकऱ्यांचे म्हणणे आहे. (Baramati)

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Related Stories

No stories found.
Marathi News Saam TV
saamtv.esakal.com