Municipal Elections Result: पुण्यात मतमोजणी केंद्रावर गोंधळ, EVM मशीन बदलल्याचा ठोंबरेंचा आरोप, पोलिसांसोबत अरेरावी

पुण्यातील महापालिका निवडणुकीदरम्यान प्रभाग क्रमांक २५ च्या मतमोजणी केंद्रावर प्रचंड गोंधळ उडाला आहे. राष्ट्रवादी काँग्रेसच्या उमेदवार रूपाली ठोंबरे यांनी मतमोजणीसाठी वापरल्या जाणाऱ्या ईव्हीएम मशीन बदलल्याचा गंभीर आरोप केला.

यावेळी रूपाली ठोंबरे यांचा दावा आहे की, मशीनचे नंबर मॅच होत नाहीत. दरम्यान त्यांच्या या आरोपामुळे निकाल प्रक्रियेवर प्रश्नचिन्ह निर्माण झालंय़. या आरोपानंतर मतमोजणी तातडीने थांबवण्यात आली असून ठोंबरे यांनी आक्रमक भूमिका घेतली आहे. निवडणूक अधिकाऱ्यांनी परिस्थिती नियंत्रणात आणण्याचा प्रयत्न सुरू केला आहे. या घटनेमुळे मतदारांमध्ये संभ्रमाचे वातावरण निर्माण झालंय.

दरम्यान यावेळी रूपाली ठोंबरे आणि गणेश भोकरे प्रचंड आक्रमक झाले असून पोलिसांशी त्यांचा वाद झाला. ठोंबरे आणि भोकरे यांच्यात तसंच अधिकारी-कर्मचाऱ्यांशीही वाद निर्माण झाला आहे. या गोंधळामुळे मतमोजणी केंद्रावर तणावाचे वातावरण असून निवडणूक अधिकाऱ्यांनी परिस्थिती नियंत्रणात आणण्याचा प्रयत्न सुरू केला आहे.