मुंबईसह राज्यातील एकूण २९ महापालिकांच्या निवडणूकांचा निकाल आज जाहीर होणार आहे. यासाठी मतमोजणीची प्रकिया सुरु आहे. मात्र अशातच जळगाव महापालिका निवडणुकीच्या निकालाच्या पार्श्वभूमीवर प्रभाग क्रमांक १ ते ३ मधील मतमोजणी केंद्रावर मोठा गोंधळ उडाल्याचं पाहायला मिळालंय.
उमेदवारांच्या प्रतिनिधींनी ईव्हीएम मशीनचे सील आधीच फुटल्याचा गंभीर आरोप केलाय. या आरोपामुळे मतमोजणीच्या ठिकाणी तणावाचं वातावरण निर्माण झाले असून पोलिसांना हस्तक्षेप करावा लागला.
उमेदवारांचे प्रतिनिधी मतमोजणी केंद्रात उपस्थित असताना त्यांना काही ईव्हीएम मशीनचं सील तुटलेलं असल्याचं दिसून आलं. यामुळे त्यांनी निवडणूक अधिकाऱ्यांकडे आक्षेप नोंदवला. आरोपानंतर मतमोजणी केंद्रात गोंधळ सुरू झाला आणि परिस्थिती नियंत्रणात ठेवण्यासाठी पोलिस अधीक्षकांसह वरिष्ठ अधिकारी तातडीने दाखल झाले. पोलिसांनी उमेदवारांच्या प्रतिनिधींशी चर्चा करून त्यांना शांत करण्याचा प्रयत्न केला.
मुख्य निवडणूक निरीक्षक तसंच आयुक्तांनी या घटनेची माहिती घेतली असून संपूर्ण प्रकरणाची चौकशी सुरू आहे.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.