Buldhana : खड्डा चुकवायला गेला अन् घात झाला, केळीचा ट्रकचा भीषण अपघात, दोघांचा मृत्यू

Buldhana Road Accident : बुलढाण्यामध्ये खड्ड्यामुळे दोन जणांचा मृत्यू झाल्याची घटना समोर आली आहे. केळी घेऊन जाणाऱ्या ट्रकचा खड्ड्यामुळे अपघात झाला. यामध्ये दोन जणांचा जागेवरच मृत्यू झाला. तर चार जण जखमी झाले आहेत. शनिवारी रात्री उशिरा बुलढाण्यातील मुक्ताईनगर - अकोट मार्गावर केळीने भरलेल्या भरधाव ट्रकचा अपघात झाला. येथील टूनकी गावाजवळ महार्गावरील खड्डा चुकवताना काळाने झडप घातली. जखमींना रूग्णालयात दाखल करण्यात आले असून त्यांच्यावर उपचार सुरू आहेत. त्यामधील एकाची प्रकृती गंभीर असल्याचे समजतेय.

मुक्ताईनगर-अकोट महामार्गावर टुनकी गावाजवळ शनिवारी रात्री भीषण अपघात झाला. खड्डा चुकवताना केळीच्या ट्रकचा अपघात झाला. या अपघातामध्ये दोन जणांचा मृत्यू झाला तर चार जण जखमी झाले. अपघातानंतर महामार्गावर जिकडे तिकडे केळीचे घड पसरले होते. त्यामुळे काही काळासाठी प्रचंड वाहतूक कोंडी झाली होती. या अपघाताची माहिती तात्काळ पोलिसांना देण्यात आली. पोलिसांनी तात्काळ घटानास्थळी धाव घेतली. पोलिसांनी तात्काळ महामार्गावरील वाहतूक पूर्वरत केली. अपघातग्रस्त वाहन बाजूला केले.

खड्डा चुकवताना केळीने भरलेला ट्रकचा अपघात झाला. त्यामुळे महामार्गावर प्रचंड वाहतूककोंडी झाली होती. अपघाताची माहिती मिळताच पोलिसांनी घटनास्थळावर धाव घेत मदतकार्य सुरू केले. अपघातामधील जखमींना पोलिसांनी तात्काळ रूग्णालयात दाखल केले. तर दोन जणांचे मृतदेह पोस्टमार्टमसाठी सरकारी रूग्णालयात पाठवले. पोलिसांनी तात्काळ महामार्गावरील वाहतूकोंडीही सोडवली. स्थानिकांच्या मदतीने रस्त्यावरील केळीचे घड अन् अपघातग्रस्त वाहन बाजूला केले. पोलिसांकडून अपघाताची नोंद करण्यात आली आहे. दरम्यान, खड्ड्यामुळे दोन जणांचा जीव गेल्यानं परिसरात हळहळ व्यक्त केली जात आहे.