Petrol Diesel Rate: राज्यात खासगी पंपांवर पेट्रोल-डिझेल महागलं; आता प्रति लिटर 'इतके' रुपये मोजावे लागणार

आखाती देशातील युद्धाचा परिणाम आता पेट्रोल डिझेलच्या किंमतीवर होऊ लागला आहे. इंधन पुरवठा कमी झाल्याने किंमती वाढताना दिसत आहे. विविध राज्यांमध्ये पेट्रोल डिझेलच्या किंमती वाढल्या आहेत. बिहारमध्ये पेट्रोल डिझेलच्या किंमती वाढल्या त्यानंतर आता महाराष्ट्रातदेखील पेट्रोल डिझेल महागलं आहे.

महाराष्ट्रात पेट्रोल डिझेल महागलं(Petrol Diesel Rate hike in Maharashtra)

राज्यात खासगी पेट्रोल पंपावरील इंधनाच्या किंमती वाढल्या आहे. भारतातील सर्वात मोठ्या खाजगी इंधन विक्रेत्या कंपनीने पेट्रोलच्या दरात वाढ केली आहे. पेट्रोलच्या दरात प्रति लिटर ५.३० रुपयांची वाढ झाली आहे तर डिझेलचे दर ३ रुपयांनी वाढले आहेत. मध्य पूर्वेकडील देशांमधील युद्धाच्या पार्श्वभूमीवर कंपनीने हा निर्णय घेतला आहे. आज मुंबईत पेट्रोल १०३.५४ रुपये प्रति लिटर तर डिझेल ९०.०३ रुपये प्रति लिटर विकले जात आहे. यामध्ये वाढ करण्यात आली आहे.

इराण-अमेरिका, इस्त्रायल युद्धामुळे होर्मुझची सामुद्रधुनी जवळजवळ बंद झाली आहे. इंधनाता पुरवठा याच सामुद्रधुनीद्वारे होतो. इराण-इस्त्रायल युद्धामुळे जागतिक पुरवठा विस्कळीत झाला आहे. त्यामुळे मागच्या आठवड्यापासून भारतात पेट्रोल डिझेलच्या किंमतीत हळूहळू वाढ होत आहे.

भारतातील १,०२,०७५ पेट्रोल पंपापैकी ६,९६७ पेट्रोल पंप हे नायरा एनर्जी चालवते. या कंपनीने पेट्रोलच्या किंमतीत वाढ केली असल्याचे सांगितले आहे. व्हॅट करानुसार प्रत्येक राज्यात वेगवेगळी दरवाढ करण्यात आली आहे. महाराष्ट्रात पेट्रोल प्रति लिटरमागे ५.३० रुपयांनी वाढले आहे. याआधीही बिहारमध्ये पेट्रोलचे दर वाढवण्यात आले आहे.

पेट्रोलबाबत नियम

आता राज्यात पेट्रोलबाबत नवीन नियम लागू करण्यात आले आहेत. दुचाकीसाठी फक्त २०० रुपयांपर्यंत पेट्रोल तुम्ही भरु शकणार आहात. तर कारसाठी २००० रुपयांपर्यंतचे पेट्रोल भरु शकतात. अनेक ठिकाणी बॉटलमध्ये पेट्रोल घेऊन घरी जात आहे. त्यामुळे इतर वाहनांना पेट्रोल मिळत नाही. यामुळेच हा महत्त्वाचा निर्णय घेण्यात आला आहे.