Pankaja Munde : बीड लोकसभेचा उमेदवार ठरला? पंकजा मुंडे यांनी दिले महत्वाचे संकेत

Pankaja Munde Latest News :

महायुतीचा राज्यातील लोकसभेच्या जागावाटपाचा तिढा अद्याप सुटलेला नाही. आगामी लोकसभेच्या जागावाटपासाठी महायुतीच्या नेत्यांमध्ये चर्चा सुरु आहेत. त्यामुळे राज्यात महायुतीचे लोकसभेसाठी कोण उमेदवार असणार, याबाबत कोणतीही स्पष्टता नाही. मात्र, त्याआधीच भाजप नेत्या पंकजा मुंडे यांनी लोकसभा उमेदवारीचे संकेत दिले आहेत. लोकसभेच्या निवडणुकीत आम्ही माझी काळजी घ्या, पुढे मी तुमची काळजी घेईल, असं म्हणत पंकजा मुंडे यांनी उमेदवारीचे संकेत दिले आहेत. (Latest Marathi News)

बीडच्या शिरुर येथे आज सिद्धेश्वर देवस्थान संस्थांच्या हरिनाम सप्ताहाच्या सांगता सोहळ्याला हजेरी लावली. यावेळी प्रीतम मुंडे, जयदत्त क्षीरसागर, सुरेश धस, बाळासाहेब अजबे यांची देखील उपस्थिती होती. यावेळी पंकजा मुंडे यांनी आगामी लोकसभेच्या पार्श्वभूमीवर मोठं वक्तव्य केलं.  ('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

पंकजा मुंडे काय म्हणाल्या?

पंकजा मुंडे म्हणाल्या, 'मी सध्या माजी असून तुम्हाला काय देऊ? असा प्रश्न मला पडतो. मंचावर बसलेले सुरेश धस, बाळासाहेब आजबे, प्रीतम मुंडे हे सत्ताधारी आहेत. त्यामुळे आजी लोकांनी माजी लोकांची काळजी घ्यावी, असं म्हणत लोकसभेच्या निवडणुकीत तुम्ही माझी काळजी घ्या, पुढे मी तुमची काळजी घेईल, असं पंकजा मुंडे म्हणाल्या.

'मला कोणी माझी केलं ? हे आता सांगता पण येत नाही. कारण सगळेच एकत्र आले आहेत. पण जेव्हा माझ्यावर मालमत्तेवर धाड पडली, तेव्हा माझ्यावर प्रेम करणाऱ्या लोकांनी ११ कोटी रुपये जमा केले, हे माझं लोकांच्या हृदयाशी जोडलेलं नातं आहे, असे ते म्हणाले.

'सरकार सध्या तीन इंजिनने जोडलेलं असून काही वेळ हे इंजिन एकमेकांना भिडले होते. मात्र आता ते बरोबर रुळावर चालत आहेत, असं देखील पंकजा मुंडे म्हणाल्या आहेत.