Eknath Shinde : मी उंटावरुन शेळ्या हाकणारा मुख्यमंत्री नाही; एकनाथ शिंदेंचा उद्धव ठाकरेंना टाेला (video)

Satara :

राज्यातील प्रत्येक घटक सुखी समाधानी राहिला पाहिजे ही आमची धारणा आहे. त्यामुळेच दिवस रात्रं एक करुन आम्ही जनतेसाठी कार्यरत आहाेत. विराेधकांनी कितीही काही बाेलले तरी त्याकडे आम्ही फारसे लक्ष देत नाही. आम्ही कामातून उत्तर देत आहाेत. मी उंटावरुन शेळ्या हाकणारा मुख्यमंत्री नाही असे आज (शनिवार) पुन्हा एकदा मुख्यमंत्री एकनाथ शिंदे (eknath shinde) यांनी माजी मुख्यमंत्री उद्धव ठाकरेंना (uddhav thackeray) टाेला लगावला. ते पाटण येथील कार्यक्रमात बाेलत हाेते. (Maharashtra News)म

मुख्यमंत्री एकनाथ शिंदे म्हणाले मी आजही जमिनीवर चालताे, कालही मी कार्यकर्ता हाेताे आजही कार्यकर्ता आहे आणि उद्याही कार्यकर्ता असणार. सर्व सामान्य लाेकांचे कल्याण करणे हे आमचे परम कर्तव्य आहे असेही मुख्यमंत्र्यांनी स्पष्ट केले.

मुख्यमंत्री शिंदे म्हणाले विरोधकांची पायाखालची वाळू आता सरकली आहे. त्यामुळेच ते आम्हांला चोर चोर असे म्हणत रडगाणे गात आहेत. आम्ही विरोधकांना कामातून उत्तर देत आहाेत. आम्ही बाळासाहेब यांचे विचार पुढे घेऊन चाललो आहाेत. आम्ही जे निर्णय घेताे ते गोरगरीबांच्या हिताचे घेताे असे मुख्यमंत्र्यांनी स्पष्ट केले.

हे सर्वसामान्यांचे सरकार आहे. संकट काळात जनतेला मदत करणारे आमचे सरकार आहे. काही लाेक आमच्यावर आराेप करताहेत पण उंटावर शेळ्या हाकणारा हा मुख्यमंत्री नाही जनेतत जाऊन त्यांच्यासाठी कार्य करणारा हा मुख्यमंत्री असल्याचे आज पुन्हा एकदा शिंदेंनी म्हटले.

Edited By : Siddharth Latkar