Ashadhi Yatra: सहाशे क्विंटल साखरेचे बत्तासे फुटाणे तयार

पंढरपूर : आषाढी यात्रेच्या निमित्ताने पंढरपुरात प्रसादीक वस्तू तयार करण्याचे काम वेगाने सुरू आहे. सहाशे (Pandharpur) क्विंटल साखरेपासून साखर बत्तासे फुटाणे तयार करण्यात आले आहेत. (Latest Marathi News)

आषाढी यात्रेसाठी पंढरपुरात विठ्ठल– रूक्‍मीणी दर्शनासाठी येणारे भाविक विठुरायाचा प्रसाद म्हणून साखर बत्तासे, फुटाणे कांड्या खरेदी करतात. सध्या वारीच्या (Ashadhi Wari) निमित्ताने मंदिर परिसरासह प्रासादिक वस्तूंची दुकाने सजली आहेत. प्रसाद‌ तयार पंढरपुरात काही मोजके कारखाने आहेत. येथून राज्यातील तिर्थक्षेत्राच्या प्रसाद पाठवला जातो. या अनुषंगाने प्रसाद तयार करायची तयारी सुरू आहे.

दरात २० टक्‍के वाढ

साखर आणि मजुरीचे दर वाढले आहेत. त्यामुळे प्रसादाच्या किंमतीमध्ये २० टक्के वाढ झाली आहे. सध्या ५४ रुपये किलो दराने विक्री सूरू आहे. तरी देखील पंढरपुरात येत असलेला भाविक हा प्रसाद खरेदी करत असतो.