Bor Dam : लग्नपत्रिका देऊन चाैघे निघाले हाेते घरी, गाईला वाचवताना झाला अपघात; नागपूरातील युवक ठार, तिघे जखमी

नागपूर येथील जयताळा परिसरातील रहिवासी हिंगणी येथे लग्न पत्रिका देण्यासाठी आले होते.
Wardha, selu, nagpur
Wardha, selu, nagpursaam tv

- चेतन व्यास

Wardha News : गाईला वाचविण्याच्या प्रयत्नात कार चालकाचे स्टेअरिंगवरुन नियंत्रण सुटले आणि कार थेट रस्त्यालगतच्या झाडावर जाऊन धडकली. या अपघातात एकाचा जागीच मृत्यू झाला. या अपघातात तिघे गंभीर जखमी झाले असून त्यांच्यावर रुग्णालयात उपचार सुरु आहेत. हा अपघात सेलू तालुक्याच्या बोरधरण येथे झाला. (Breaking Marathi News)

Wardha, selu, nagpur
Yavatmal Accident News : कामठवाडा गावानजीक माल वाहतुक वाहनाची बसला धडक; तीन ठार, सात जखमी

नागपूर येथील जयताळा परिसरातील रहिवासी अमित बंडू सायरे हा त्याच्या कारने प्रविण सुरेश सायरे, अभिषेक संजय कामडी व रोहण शेखर सातपुते यांच्यासोबत हिंगणी येथे लग्न पत्रिका देण्यासाठी आले होते.

लग्नपत्रिका दिल्यानंतर ते पहाटेच्या सुमारास बोरधरण व्हाया नागपूरला जाण्यासाठी निघाले. दरम्यान बोर टायगर रिसोर्ट जवळ त्यांच्या भरधाव कारसमोर अचानक गाय आडवी आली. गाईला वाचविण्याच्या प्रयत्नात कारचालकाचे स्टेअरिंगवरुन नियंत्रण सुटले आणि कार थेट रस्त्यालगतच्या झाडावर धडकली.

Wardha, selu, nagpur
Railway Update : चार दिवसांचा मेगा ब्लॉक, जाणून घ्या काेणत्या एक्स्प्रेस झाल्या रद्द, रेल्वेचा मार्गही बदलला

ही धडक इतकी भीषण होती की कारच्या समोरील भाग चक्काचूर झाला. या अपघाताची माहिती मिळताच सेलू पोलिस अपघातस्थळी पोहचले. जखमींना उपचारार्थ ग्रामीण रुग्णालयात दाखल केले. याप्रकरणी कार चालक अमित सायरे याच्याविरुद्ध गुन्हा दाखल करण्यात आल्याची माहिती पोलिसांनी दिली.

Wardha, selu, nagpur
Samruddhi Mahamarg Accident News : समृद्धी महामार्गानजीक बस- ट्रकचा अपघात; १५ जखमी, तिघांची प्रकृती गंभीर

या अपघात झाल्यानंतर बराचवेळ अपघातग्रस्तांना कुठलीही मदत मिळाली नाही. या अपघातात रोहन सातपुते (२५ रा. हिवलीनगर नागपूर) याचा मृत्यू झाला. तर अमित सायरे, प्रविण सायरे आणि अभिषेक कामडी हे तिघे जण गंभीर जखमी झाले आहेत.

Edited By : Siddharth Latkar

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Related Stories

No stories found.
Marathi News Saam TV
saamtv.esakal.com