बीड : बीडमध्ये ओबीसी आंदोलन तापलं आहे. विविध मागण्या आणि आरक्षणाच्या मुद्दयावरून ओबीसी बांधवांनी आक्रमक भूमिका घेतली आहे. ओबीसी बांधवांनी बीडच्या तलवाडा फाटा परिसरात महामार्ग अडवला. तसेच या महामार्गावर रस्ताही अडवला. ओबीसी बांधवांच्या आंदोलनामुळे महामार्गावर वाहनांच्या लांबच लांबा रांगा लागल्या आहेत.
मिळालेल्या माहितीनुसार, बीडच्या तलवाडा फाटा परिसरात ओबीसी आंदोलकांनी आक्रमक भूमिका घेतली आहे. महामार्गावर टायर पेटवत धुळे-सोलापूर महामार्ग अडवण्यात आलं आहे. ओबीसी आरक्षणाला धक्का लावू नये, या मागणीसाठी आंदोलकांनी आक्रमक भूमिका घेतली आहे. आंदोलकांनी सोलापूर-धुळे महामार्गावर टायर पेटवत रास्ता आंदोलन केलं. यावेळी आंदोलकांनी घोषणाबाजी करत आंदोलन केलं.
आंदोलकांनी रस्ता अडवल्याने वाहनांच्या लांबच लांब रांगा लागल्या. दरम्यान, वडीगोद्री प्राध्यापक लक्ष्मण हाके यांच्या उपोषणाला भेट देण्यासाठी शेकडोंच्या संख्येने गाड्या पाहायला मिळत आहे. लक्ष्मण हाके यांच्या भेटीसाठी राज्यभरातून लोक उपोषणस्थळी येत आहेत.
ओबीसी आंदोलक लक्ष्मण हाके आणि नवनाथ वाघमारे यांना पाठिंबा देण्यासाठी हिंगोली जिल्ह्यातून शेकडो चारचाकी वाहनांचा ताफा वडीगोद्रित दाखल झाला आहे. उपोषणकर्ते लक्ष्मण हाके आणी नवनाथ वाघमारे यांची तब्येत खालवल्याने ओबीसी समाज चांगलाच आक्रमक झाल्याच पाहायला मिळत आहे.
हाके यांच्या आमरण उपोषणाचा आजचा सातवा दिवस आहे. त्यातच त्यांची प्रकृती खालवली आहे. त्यामुळे राज्यभरातून ओबीसी बांधव वडीगोद्रित दाखल होत असल्याचं पाहायला मिळत आहे. दरम्यान, काही राजकीय नेतेही लक्ष्मण हाके यांच्या भेटीसाठी येत आहेत. तसेच लक्ष्मण हाके यांच्याकडून आरक्षणावरून मनोज जरांगे यांच्यावरही गंभीर आरोप केले जात आहेत.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.