- विनायक वंजारे
कोकण पदवीधरची जागा देऊन काॅंग्रेसला गप्प केले गेले आहे. मुंबईत उद्धव ठाकरेंचे मशाल चिन्हावरील सर्व खासदार हे काॅंग्रेसमुळे निवडून आलेत. हिम्मत असेल तर मुंबई पदवीधरची जागा उद्धव ठाकरेंकडून मिळवून दाखवा असे आव्हान भाजप आमदार नितेश राणेंनी काॅंग्रेस प्रदेशाध्यक्ष नाना पटाेलेंना दिला आहे.
नितेश राणे हे आज (बुधवार) सिंधुदूर्ग येथे माध्यमांशी बाेलत हाेते. उद्धव बाळासाहेब ठाकरे पक्षाला महाविकास आघाडीत किती दिवस ठेवायचं हे आम्ही ठरवू अशी धमकी दिल्लीतून काॅंग्रेसकडून देण्यात आली आहे. हे खरं की खाेटे संजय राऊत यांनी सांगावे असे राणेंनी म्हटले.
नितेश राणे म्हणाले जी काेकणची जागा कधी ठाकरे गट जिंकणार नव्हता. पालघर, ठाणे, सिंधुदूर्ग पर्यंत उद्धव ठाकरेंना काेणीही विचारात नाही हे त्यांना माहित आहे. तसं काेकणची जागा देऊन बाेळवण केली. काॅंग्रेसची हिम्मत असेल तर मुंबईची पदवीधर जागा मिळवून दाखवा असे राणेंनी म्हटलं.
Edited By : Siddharth Latkar
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
