राष्ट्रवादीचे इंधन दरवाढी विरोधात अनोखं 'लॉलीपॉप' आंदोलन

चंद्रपुर: चंद्रपुरात राष्ट्रवादी काँग्रेसने NCP इंधन दरवाढी विरोधी 'लॉलीपॉप' आंदोलन करून नागरिकांचे लक्ष वेधले आहे. शहराच्या मुख्य रस्त्यावर राष्ट्रवादी कार्यकर्त्यानी बैलगाडी ओढून केंद्र सरकारचा निषेध केला आहे. महागाई कमी करण्याचे आश्वासन देत मोदी सरकार (Modi Goverment) सत्तेवर आले असल्याची आठवण आंदोलकांनी करून दिली. (NCP's agitation against fuel price hike)

हे देखील पहा -

मात्र आता हेच सत्तेवरती असताना दिवसेंदिवस पेट्रोल-डिझेलचे (Petrol-Diesel) दर गगणाला भिडले आहेत. मोदी सराकर केवळ भूलथापा देत असून पेट्रोल-डिझेल कमी की काय म्हणून सर्वसामान्यांची रोजची गरज असणाऱ्या घरगुती गॅसचे GAS दर देखील आवाक्याबाहेर गेले आहेत. यामुळे सामान्य माणसाचे कंबरडे मोडले असून विकासाच्या नावाखाली केवळ थापा मारुन नागरिकांना फसविल्याचा निषेध करण्यासाठी राष्ट्रवादी काँग्रेसच्या कार्यकर्त्यांनी चंद्रपूरातील नागरिकांना चक्क लॉलीपॉप देत मोदी सरकारचा निषेध केला आहे.

तसेच आपलं कोणतही आश्वासन पूर्ण न करणाऱ्या मोदी सरकारला आंदोलकांनी त्यांच्या वचनांची यावेळी आठवण देखील करून दिली आहे.

Edited By - Jagdish Patil