Rohit Pawar Facbook: राष्ट्रवादी काँग्रेस आमदार रोहित पवार यांचं फेसबुक पेज हॅक

Rohit Pawar Facebook:

शरद पवार गटातील आमदार रोहित पवार यांचे फेसबुक पेज हॅक झाले आहे. रोहित पवार यांच्या फेसबुक पेजवर सिया रजपूत असे नाव येत आहे. त्यांच्या फेसबुक पेजवरून सिया रजपूत कपड्याच्या ब्रँडची जाहिरात करण्यात येत आहे. (Latest News)

रोहित पवार यांना फेसबुकवर ५ लाखाहून अधिक फॉलोवर्स आहेत. नेमके हे पेज कुठून आणि कोणी हॅक केले याचा मात्र सुगावा अजून लागलेला नाही.

दरम्यान फेसबुक पेज अकाउंट हॅक झाल्याची माहिती रोहित पवार यांनी ट्विटर अकाउंटवरून दिलीय. गेल्या काही काही दिवसांपासून माझे सोशल मीडियावरील अकाऊंट हॅक होण्याचे प्रकार सुरू आहेत. आज माझे अधिकृत फेसबुक पेज हॅक झाले. या पेजवर चुकीचा मजकूर दिसून येत असून, कृपया याकडे दुर्लक्ष करावे, याबाबत रिकव्हरीसाठी प्रयत्न सुरू आहेत, अशी माहिती त्यांनी दिली.

रोहित पवार हे सोशल मीडियावर कायम अॅक्टिव्ह असतात. काही दिवसांपासून त्यांचे सोशल मीडिया अकाउंट हॅक होण्याचे प्रकार सुरू असल्याने त्यांनी ट्विटमधून संताप व्यक्त केलाय. तसेच फेसबुक पेज रिकव्हरीचे प्रयत्न करण्यात येत असल्याचेही त्यांनी सांगितले.