Eknath Shinde News : राष्ट्रवादीचे वरिष्ठ नेते, आमदार एकनाथ खडसे यांनी मंत्री गिरीश महाजन यांच्या जोरदार टीका केली आहे. 'मी कुणाचे पाय धरून किंवा बोट धरून पाय चाटून मोठा झालेलो नाही. कुणाच्या मागे उभा राहून टिव्हीवर माझ चित्रं आलं पाहिजे, अशा स्वरूपाचं काम मी कधीही केलेलं नाही, अशी जहरी टीका राष्ट्रवादीचे आमदार एकनाथ खडसे यांनी मंत्री गिरीश महाजन यांच्यावर केली आहे. (Latest Marathi News)
जळगाव (Jalgaon) जिल्हा दूध संघाच्या संचालकपदाच्या निवडणुकीत आता प्रचाराची जोरदार रणधुमाळी सुरू झाली आहे. त्यामुळे महाविकास आघाडी आणि भाजप आमनेसामने आले आहेत. याचदरम्यान, गिरीश महाजन यांनी आमदार एकनाथ खडसे (Eknath Khadse) यांच्यावर जोरदार टीका केली होती. गिरीश महाजन यांनी खडसेंना उद्देशून खडसेंनी आता प्रचार थांबवला पाहिजे, आराम केला पाहिजे, अशी टीका केली होती.
त्यानंतर एकनाथ खडसे यांनी गिरीश महाजन यांच्यावर घणाघाती टीका करत जोरदार प्रत्युत्तर दिलं आहे. 'गिरीश महाजन यांना आता माझी भीती वाटायला लागली आहे. म्हणून ते माझा प्रचार थांबवा म्हणत आहेत. मी मरेपर्यंत राजकारणी राहणार आहे. जोपर्यंत माझा आवाज बुलंद आहे, तोपर्यंत मी राजकारणात सहभागी राहणार आहे. मी थकणारा नाही. जनतेचे प्रश्न घेऊन मी संघर्ष करणार आहे, लढणार आहे'.
'मी कुणाचे पाय धरून, बोट धरून किंवा पाय चाटून मोठा झालेलो नाही. कुणाच्या मागे उभा राहून टिव्हीवर माझं चित्र आलं पाहिजे, अशा स्वरूपाचं मी कधीही केलेलं नाही. मी कुणाच्या मागे राहिलेलो नाही. लोक माझ्या मागे उभे राहिले आहेत. ते टिव्हीवर झळकले, अशीही टीका खडसे यांनी केली.
'मी लाचार नाही. विश्वासाने जगणारा माणूस आहे. यांच्या वडिलांना म्हातारपण आलं नाही का? यांना म्हातारपण येणार नाही का? , असं म्हणत खडसेंनी गिरीश महाजन यांना टोले लगावले.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
