Sharad Pawar On INDIA alliance: आमचं ठरलंय! एका विचारानं काम करून लोकांना पर्याय देणार, शरद पवारांचं रायगडमध्ये वक्तव्य

सचिन कदम

Sharad Pawar News:

राष्ट्रवादीचे अध्यक्ष शरद पवार सध्या रायगडच्या दौऱ्यावर आहेत. रायगड जिल्हा मध्यवर्ती बँकेच्या एका कार्यक्रमानिमित्त राष्ट्रवादीचे अध्यक्ष शरद पवार रायगड दौऱ्यावर आले आहेत. यादौऱ्यादरम्यान खासदार शरद पवार यांनी 'इंडिया' आघाडीवर वक्तव्य केलं. 'सर्वांनी एका विचारांनी काम करून लोकांना उत्तम पर्याय देण्याचं ठरवलं आहे, असे खासदार शरद पवार म्हणाले. (Latest Marathi News)

रायगड जिल्हा मध्यवर्ती सहकारी बँकेच्या श्रीवर्धन शाखेच्या उद्घाटन समारंभाला 'इंडिया' आघाडीच्या नेत्यांनी हजेरी लावली आहे. या कार्यक्रमाला शरद पवारांनी हजेरी लावली. या कार्यक्रमाआधी पवारांनी प्रसारमाध्यमांशी संवाद साधला. यावेळी शरद म्हणाले, 'युतीच्या संबंधी एकत्रित काम करण्याची भूमिका सर्वच पक्षांनी मनापासून घेतली आहे. त्यात शेतकरी कामगार पक्ष, राष्ट्रवादी काँग्रेस, उद्धव ठाकरेंची शिवसेना आणि इतर सर्व पक्षांचा सामावेश आहे'. ('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

'या सर्व नेत्यांनी एका विचाराने काम करायचं ठरवलं आहे. आगामी विधानसभा, लोकसभांबाबतच्या चर्चा या आम्ही बसून करू. मात्र, याबाबत अद्याप चर्चा झालेली नाही. मात्र, सर्वांनी एका विचारांनी काम करून लोकांना उत्तम पर्याय देण्याचं ठरवलं आहे, असे ते पुढे म्हणाले.

रायगड जिल्हा मध्यवर्ती सहकारी बँकेविषयी बोलताना शरद म्हणाले, 'महाराष्ट्रात सहकरी चळवळ मोठी आहे. राज्यातील अनेक भागात जिल्हा मध्यवर्ती बँका आहेत. राज्यात काही मध्यवर्ती बँकांकडून उत्तम चालवल्या जातात. त्यामध्ये रायगड जिल्ह्याच्या बँकाचा उल्लेख करावा लागेल', असे ते म्हणाले.

'एकंदरित या बँकेतील लोकांची गुंतवणूक पाहिली. ही बँक व्यवस्थित चालते. हे पाहून आम्हाला समाधान मिळतं. जयंत पाटील यांनी ही बँक अनेक वर्ष चांगल्या पद्धतीने चालवली. यामुळे आम्ही सर्व जण या कार्यक्रमाला उपस्थित आहोत, असे पवार पुढे म्हणाले.