Maharashtra Politics : निवडणुकीआधी अजित पवारांची ताकद वाढली, एकाचवेळी ४०० कार्यकर्त्यांचा राष्ट्रवादीत प्रवेश

NCP Gadchiroli Chandrapur News : स्थानिक स्वराज्य संस्थांच्या निवडणुकीच्या आधी अजित पवार यांच्या राष्ट्रवादी काँग्रेसची ताकद वाढली आहे. गडचिरोली आणि चंद्रपूर जिल्ह्यांतील ४०० हून अधिक सामाजिक व राजकीय कार्यकर्त्यांनी राष्ट्रवादी काँग्रेसमध्ये प्रवेश केला आहे.  उपमुख्यमंत्री अजित पवार यांच्या उपस्थितीत मुंबईतील नरीमन पॉइंट येथील महिला विकास मंडळात हा पक्षप्रवेश सोहळा पार पडला. काँग्रेस आणि स्थानिक काही पक्षातील कार्यकर्त्यांनी अजित पवार यांच्या राष्ट्रवादीमध्ये प्रवेश केलाय.

पक्षप्रवेश सोहळ्याला नवाब मलिक, प्रदेशाध्यक्ष सुनील तटकरे, माजी कॅबिनेट मंत्री व आमदार धर्मरावबाबा आत्रम, आमदार शिवाजीराव गर्जे उपस्थित होते. वर्षाअखेरीस राज्यात जिल्हा परिषद आणि नगरपालिका निवडणुकांवा होणार आहेत. त्याआधी गडचिरोली आणि चंद्रपूरमध्ये अनेकांनी अजित पवारांच्या राष्ट्रवादीत प्रवेश केला. त्यामुळे राष्ट्रवादीची ताकद वाढली आहे. स्थानिक स्वराज्य संस्थांच्या निवडणुकीत राष्ट्रवादीला मोठा फायदा होऊ शकतो. प्रवेश केलेले कार्यकर्ते प्रामुख्याने आदिवासी आणि दुर्गम भागातील आहेत.

आमदार धर्मरावबाबा आत्रम यांच्या नेतृत्वाखाली हा सोहळा पार पडला. नितेश नरोटे, लक्ष्मण वेलादी, स्वामी गोदारी, चंद्रया दुर्गम, सत्यम पिडगु, महेश आडे, दीपक जायसवाल, निलेश मानकर, राहुल देवतले, नूतन रेवतकर, क्रिश्तय्या पोरतेट, शेख फरजाना, शेख अब्दुल रऊफ, शैलेंद्र पटवर्धन, विलास सिडाम, नवरास शेख, ज्योती सडमेक, सुरीह जंगा, प्रमोद वैद्य, अनिल केरामी, वैशाली पल्लीवार, बौद्धकुमार लोनारे आणि नामदेव उडान यांच्यासह शेकडो जणांनी राष्ट्रवादी काँग्रेसमध्ये प्रवेश केला.

धर्मरावबाबा आत्रम यांनी गडचिरोलीच्या विकास मोठ्या प्रमाणात केलाय. त्यांच्यामुळे हजारो तरुणांना रोजगार मिळला आहे. अजित पवार आणि महायुती सरकारच्या धोरणांमुळे प्रेरित होऊन आम्ही एनसीपीत सामील झाल्याचं एका कार्यकर्त्याने सांगितले. दरम्यान, या पक्ष प्रवेश सोहळ्यामुले विदर्भात राष्ट्रवादीची ताकद वाढली आहे. स्थानिक स्वराज्य संस्थांच्या निवडणुकींमध्ये हा पक्षप्रवेश निर्णायक ठरू शकतो.