Nashik Bus Accident: सप्तश्रृंगीगड घाटात ३५ प्रवाशांसह बस दरीत कोसळली; अंगाचा थरकाप उडवणारे PHOTOS

नाशिकमध्ये एसटी बसचा भीषण अपघात झाल्याचं समोर आलं आहे. सप्तश्रृंगी गडाच्या घाटात एसटी बस दरीत कोसळून मोठा अपघात झाला आहे.

बसमधून अंदाजे ३५ प्रवासी प्रवास करीत होते. त्यापैकी १८ प्रवासी गंभीर जखमी झाले असून एकाचा मृत्यू झाल्याची माहिती आहे.

मंगळवारी पहाटेच्या सुमारास हा अपघात झाला आहे. अपघाग्रस्त बस सप्तश्रृंगी गडावरुन बुलढाण्यातील खामगाव येथे जात होती.

खामगाव आगाराची बस रात्री सप्तश्रृंगी गडावर मुक्कामी होती. पहाटेच्या सुमारास बस गडावरुन खाली यायला निघाली.

दाट धुक्याचा परिसर, सातत्याने पडणारा पाऊस यामुळे घाटातील अवघड वळणांवर चालकाचा ताबा सुटून बसचा भीषण अपघात झाल्याचा प्राथमिक अंदाज आहे.

घटनास्थळी बचावकार्य सुरू असून जखमी प्रवाशांना वणी उपरुग्णालयात उपचारासाठी दाखल करण्यात आलं आहे.

या घटनेनंतर नाशिकचे पालकमंत्री दादा भुसे मालेगावहून अपघात स्थळाच्या दिशेने रवाना झाले असून तातडीने मदतकार्य सुरु करण्यात आले आहे.