Mumbai- Nashik Highway : धावत्या गॅस टॅकरने घेतला पेट; मुंबई- नाशिक महामार्गावरील घटना

फय्याज शेख 

शहापूर (नाशिक) : मुंबई नाशिक महामार्गावर शहापूर शहरात नाशिकहून मुंबईच्या दिशेने जाणाऱ्या गॅस टॅकरने (Nashik) अचानक पेट घेतला आहे. गॅस ट्रॅकरने पेट घेतल्यामुळे महामार्गावरील वाहतूक देखील थांबली होती. पेटलेल्या टँकर विझविण्यासाठी (fire Brigade) अग्निशमन दलाला कळविण्यात आले आहे. (Breaking Marathi News)

मुंबई नाशिक दरम्यानच्या महामार्गावरील शहापूर (Shahapur) शहराजवळ धावत्या गॅस ट्रॅकरला अचानक आग (Fire) लागल्याची घटना घडली. चालकाने लागलीच ट्रँकर थांबविला. गॅस टँकर रिकामा असला तरी या गॅस टॅकरमध्ये थोड्याफार प्रमाणात गॅस शिल्लक असतो. यामुळे पुढची दुर्घटना रोखण्यासाठी ट्रॅकरपासून ५०० मीटर लांब वाहतूक थांबण्यात आली आहे. यामुळे महामार्गावरील वाहतूक ठप्प झाली आहे. 

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

अग्निशमन बंब येण्यास विलंब 
गॅस ट्रॅकरला आग लागताच याबाबतची माहिती अग्निशमन विभागाला देण्यात आली. मात्र पेटलेले ट्रॅकर विझवण्यासाठी अग्निशमन दलाच्या गाड्या अद्यापही पोहोचले नाही. यामुळे सावधगिरी म्हणून महामार्गावरील दोन्ही बाजूने चालणारी वाहतूक बंद करण्यात आली आहे.