तबरेज शेख, नाशिक
नाशिकमधून अपघाताची दुर्देवी घटना समोर आली आहे. आज शुक्रवारी दुपारच्या सुमारास नाशिकच्या दिंडोरी तालुक्यात भरधाव वाहन झाडावर आदळून अपघाताची घटना घडली. दिंडोरी रोडवर ढकांबेगावाजवळ ही अपघाताची घटना घडली. या भीषण अपघातात ५ ते ६ जण ठार झाल्याची माहिती मिळत आहे.
मिळालेल्या माहितीनुसार, नाशिकमध्ये भरधाव जीप झाडाला आदळून अपघात झाल्याची घटना घडली. नाशिकच्या दिंडोरी रोडजवळ ढकांबेगावाजवळ भीषण अपघाताची घटना घडली. या भीषण अपघातात ५ ते ६ जण ठार असल्याची माहिती मिळत आहे. या घटनेने परिसरात एकच खळबळ उडाली आहे.
या भीषण अपघातानंतर घटनास्थळी बघ्यांची एकच गर्दी झाली. त्यानंतर लोकांची मदतीसाठी एकच धावाधाव झाली. स्थानिकांनी तातडीने अपघातग्रस्तांना रुग्णालयात दाखल केले. मात्र, डॉक्टरांनी अपघातग्रस्त मृत झाल्याचे घोषित केले. या भीषण अपघाताने मृतांच्या कुटुंबियांवर दु:खाचा डोंगर कोसळला आहे.
नाशिकमधील या भीषण अपघातात जीपचा चक्काचूर झाला आहे. दुचाकी आणि जीपची एकमेकांना धडक झाल्याने भीषण अपघात झाल्याची माहिती मिळत आहे. या अपघाताची माहिती मिळताच दिंडोरी पोलीस घटनास्थळी पोहोचले. त्यानंतर पोलीस आणि स्थानिकांनी एकत्र मदतकार्य केलं. या अपघातामधील जखमींना नाशिक जिल्हा शासकीय रुग्णालयात हलविण्यात आलं आहे.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.