Manmad News : मेहुणे ग्रामस्थांचा निवडणुकीवर बहिष्कार, नेत्यांना केली गावबंदी; दुष्काळी अनुदानासाठी ग्रामस्थांचा निर्धार

अजय सोनवणे 

मनमाड (नाशिक) : दुष्काळी अनुदान न मिळाल्याने नाशिकच्या मालेगाव तालूक्यातील मेहुणे गावातील (Manmad) ग्रामस्थांनी आगामी लोकसभेसह येणाऱ्या सर्वच निवडणुकीवर (election) बहिष्कार टाकण्याचा निर्णय घेतला आहे. तसा फलकच ग्रामस्थांनी गावच्या प्रवेशद्रवारावर लावला आहे. (Tajya Batmya)

आगामी लोकसभा निवडणुकीच्या (LOk Sabha Election) तयारीत सर्वच राजकीय पक्ष कमला लागले आहेत. आचारसंहिता लागल्याने शेतकऱ्यांना (Farmer) मिळणारे अनुदान आता रखडले आहे. यंदा सर्वत्र दुष्काळी परिस्थिती असल्याने राज्य शासनाने शेतकऱ्यांना दुधाळी अनुदान देण्याची घोषणा केली होती. मात्र हे अनुदान लवकर मिळाले नाही. यात आता लोकसभा निवडणुकीची आचारसंहिता लागल्याने अनुदान देण्यास विलंब होत आहे. यामुळे शेतकरी संतप्त झाले आहेत. यामुळेच ग्रामस्थांनी निवडणुकीवर बहिष्कार टाकण्याची घोषणा केली आहे. 

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

पुढाऱ्यांनाही केली गावबंदी 

विशेष म्हणजे लोकप्रतिनीधी व राजकीय पक्षांच्या पुढाऱ्यांना गावबंदी करण्यात आली आहे. जोपर्यंत थकीत दुष्काळी अनुदान मिळत नाही' तोपर्यंत बंदी कायम ठेवण्याचा निर्धार ग्रामस्थांनी घेतला आहे. याबाबतचे फलक गावाबाहेर लावले आहे. यामुळे आता ग्रामस्थांना थकीत अनुदान मिळणार का? याकडे सर्वांचे लक्ष लागले आहे.