Cyber Crime : शेअर्स खरेदी विक्रीच्या नावाखाली फसवणूक; दोन सायबर गुन्हेगारांना अटक

सिद्धेश म्हात्रे

नवी मुंबई : शेअर्स खरेदी विक्री ट्रेडिंगच्या नावाखाली जास्तीचा नफा होत असल्याचे अँपवर दाखवून तब्बल ३३ लाख रुपयांची आर्थिक फसवणूक (Fraud) केली होती. या प्रकरणी (Navi Mumbai) नवी मुंबई सायबर पोलिसांनी उल्हासनगरमधील इंडसइंड बँकेच्या आजी माजी अधिकाऱ्यांना अटक करण्यात आली आहे. (Latest Marathi News)

नवी मुंबईमध्ये शेअर्स खरेदी विक्री करण्याचे सांगून त्यामधून जास्तीचा नफा देण्याचे आमिष दाखविले.  डाऊनलोड करत तब्बल ३३ लाखात फसवणूक करण्यात आल्याचा प्रकार घडला होता. या  गुन्ह्याचा तपस करताना पोलिसांनी संबंधित (Crime News) आरोपीला ताब्यात घेतले आहे. गुन्हा करताना वापरलेले बँक खाते, मोबाईल क्रमांक याचा सखोल तांत्रिक तपास करत प्रवीणकुमार मिश्रा आणि अशोक चौहान या आरोपीना अटक केली. 

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

अटक केलेल्या आरोपीकडून ४ मोबाईल, ८ सिमकार्ड, ७ डेबिट कार्ड, २ चेकबुक, ३ पासबुक आणि ६ रबरी स्टॅम्प मिळून आले आहेत. तसेच फसवणूक केलेली रक्कम भरलेले बँक खाते गोठवून त्यातील १५ लाख रुपये गोठविण्यात सायबर पोलिसांना यश आले आहे. सदर आरोपीनविरोधात ४ सायबर तक्रारी असून नवी मुंबई (Cyber Police) सायबर पोलीस अधिक तपास करत आहेत.