महाराष्ट्राला हादरवणारं कांड, अशोक खरातच्या काळ्या कृत्याचा पर्दाफाश; FIR मधून लैंगिक शोषणाचा पॅटर्न समोर

स्वयंघोषित कॅप्टन अशोक खरातच्या एक एक काळ्या कृत्याचा पर्दाफाश होऊ लागला आहे. खरातच्या कृत्याने महाराष्ट्र हादरून गेला आहे. एसआयटीने या प्रकरणात वेगाने तपास सुरू केला आहे. आता या प्रकरणात लैंगिक शोषण झालेल्या पीडित महिलेने अशोक खरातच्या विरुद्ध केलेल्या तक्रारीची FIR कॉपी साम टीव्हीच्या हाती आली आहे.

पीडित महिलेने अशोक खरातच्या लैंगिक शोषणाचा पॅटर्न देखील सांगितला आहे. खरातने १०० हून अधिक महिलांचं लैंगिक शोषण केल्याचा पुरावा पोलिसांच्या हाती लागला आहे. या नराधमाने कोट्यवधींची माया कमावली होती. त्याचे नाशिक, अहिल्यानगरमध्ये मालमत्ता होती. या तक्रारीतून अशोक खरातच्या काळया कृत्यांचा पर्दाफाश झाला आहे.

तक्रारीनुसार, 'मी कृष्णाचा अवतार, तू मागच्या जन्मातील माझी राधा', असं अशोक खरात पीडित महिलेला बोलायचा. महिलेच्या डोक्यावर तांब्या-लोटा ठेऊन कॅप्टन खरात कानाजवळ पुतपुटायचा. त्यापूर्वी पेढा आणि कवडवट -खारट चव असलेलं पाणी प्यायला द्यायचा. महिलांना गायत्री मंत्र म्हणायला लावायचा आणि लागलीच स्पर्श करायला सुरुवात करायचा'.

महिलेसोबत आलेल्या व्यक्तींना ध्यानस्थ पूजेच्या नावाखाली कॅबिन बाहेर ठेवायचा. महिलांना गुंगी आल्यानंतर त्यांचं लैंगिक शोषण सुरू करायचा. कॅप्टन अशोक खरातच्या लैंगिक शोषणाचा हा पॅटर्न होता. सध्या लैंगिक शोषणाच्या आरोपात कॅप्टन खरात नाशिक पोलिसांच्या अटकेत आहे. १०० हून अधिक लैंगिक शोषणाचे सीसीटीव्ही फुटेज असल्याची माहिती आहे. कॅप्टन खरातकडे अनेक राजकीय, कलाकार, उद्योग आणि सामाजिक क्षेत्रातील मंडळींचा राबता असायचा, अशीही माहिती समोर आली आहे.