Nashik News: नोकरी नाही, घरखर्चासाठी पैसे नसल्याने निवडला चुकीचा मार्ग

तबरेज शेख 
नाशिक: बेरोजगारीचा प्रचंड प्रमाण वाढले आहे. बेरोजगारीमुळे अनेक तरुण चुकीचा मार्ग निवडून वाम मार्गाने पैसे कमविण्याच्या प्रयत्नात असतात. असाच प्रकार (Nashik) नाशिक मध्ये समोर आला आहे. नोकरी नसल्याने हातात पैसा नाही. यामुळे चोरी (Theft) करायला सुरवात केली. परंतु हा तरुण पोलिसांच्या ताब्यात सापडला आहे. (Maharashtra News)

रोजगार आणि नोकरी मिळत नसल्याने नाशिकच्या एका विवाहित आणि सुशिक्षित युवकांने थेट चोरीचा मार्ग स्वीकारला. पैशाची अत्यंत गरज होती आणि घर खर्च भागविण्यासाठी पैसे नसल्याने या विवाहित युवकाने चोरी करायला सुरु केली. त्याने थेट ओट्यावर बसलेल्या एका महिलेची सोनसाखळी चोरत पोबारा केला. 

संशयित ताब्यात 

चोरीची संपूर्ण घटना सीसीटीव्हीमध्ये कैद झाली असून संशयतास सातपूर पोलिसांनी अटक देखील केली आहे. मात्र नोकरीच्या शोधार्थ आणि पैशांची गरज असल्याने या युवकाने चोरीचा मार्ग स्वीकारला यावरून बेरोजगारीची भीषण परिस्थिती पुन्हा एकदा समोर आली आहे.