Nashik Ganesh Temple : मंदिरातील दानपेटी फोडली; चोरटे सीसीटीव्हीमध्ये कैद

अजय सोनवणे 

मनमाड (नाशिक) : रात्रीच्या अंधारात चोरट्यांनी मंदिरात प्रवेश करून मंदिरात ठेवलेली दानपेटी फोडली. यात असलेली रक्कम लांबविली असून (Theft) चोरी करतानाचा हा प्रकार सीसीटीव्ही कॅमेरामध्ये कैद झाला आहे. या सीसीटीव्ही (CCTV) फुटेजद्वारे पोलिसांनी चोरट्यांचा शोध सुरु केला आहे. (Latest Marathi News)

नाशिक जिल्ह्यातील बागलाण तालुक्यातील ठेंगोडा येथील प्रसिद्ध सिद्धिविनायक गणेश मंदिरात ही चोरीची घटना घडली आहे. ठेंगोड येथील सिद्धिविनायक मंदिर हे प्रसिद्ध असून राज्यातील भाविक याठिकाणी दर्शनासाठी येत असतात. नवसाला पावणारा गणपती म्हणून ओळख आहे. या घटनेमुळे सर्वत्र खळबळ उडाली आहे. चोरट्याने मध्यरात्री मंदिराच्या आवारात घुसून लोखंडी कंपाउंडचे कुलूप तोडले. यानंतर मंदिरात प्रवेश केला आणि मंदिरातील दानपेटी फोडून रोकड चोरून नेली आहे.. 

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

चोरटा सीसीटीव्हीत कैद 

चोरीच्या घटनेने गावकऱ्यांमध्ये तीव्र संतापाची भावना व्यक्त होत असून चोराला तत्काळ अटक करावी; अशी मागणी ग्रामस्थांनी केली आहे. चोरीची संपूर्ण घटना मंदिरातील सीसीटिव्ही कॅमेरात कैद झाली असून या चोरट्याचा शोध पोलीस घेत आहे आहे.