Nashik Crime: ६४ वर्षीय व्यक्तीचे अश्लील चाळे, अल्पवयीन मुलावर लैंगिक अत्याचार; मालेगावनंतर मनमाड हादरलं

अजय सोनवणे, साम प्रतिनिधी

नाशिक जिल्ह्यातील मालेगावात गेल्या काही दिवसापूर्वी अत्याचाराची घटना घडली होती. आता मालेगावपासून ३० किमी अंतरावर असलेल्या मनमाड शहरात अल्पवयीन मुलावर लैंगिक अत्याचार झाल्याची घटना घडलीय. एका ६४ वर्षीय व्यक्तीने ७ वर्षाच्या मुलावर लैंगिक अत्याचार केल्याची घटना मनमाडमध्ये घडलीय. याप्रकरणी पोलिसांनी ६४ वर्षीय नराधमाला अटक करण्यात आलीय. बाबा भागवतला असं अटक करण्यात आलेल्या व्यक्तीचं नाव आहे. त्याच्याविरुद्ध ऍट्रॉसिटी आणि पोस्को अंतर्गत गुन्हा दाखल करण्यात आलाय.

पोलिसांनी दिलेल्या माहितीनुसार, ६४ वर्षीय नराधम शहरातील एका असलेल्या लॉन्ड्रीच्या दुकानावर कपडे प्रेस करण्यासाठी आणलेल्या एका लहान मुलांशी त्याने अश्लील चाळे केले. त्यानंतर त्याच्यावर लैंगिक अत्याचार केले. पोलिसांनी याप्रकरणी अधिक तपास सुरू केलाय.

१४ वर्षांच्या मुलीवर लैंगिक अत्याचार

मालेगाव परिसरात पुन्हा एका १४ वर्षीय मुलीवर लैंगिक अत्याचार केल्याची घटना काही दिवसापूर्वीच घडली होती. याप्रकरणी नराधमाला पोलिसांनी बेड्या ठोकल्या आहेत. याशिवाय आरोपीवर पोक्सो अंतर्गत गुन्हा दाखल करण्यात आलाय. मिळालेल्या माहितीनुसार, एका ५४ वर्षीय व्यक्तीने १४ वर्षीय मुलीला रस्त्यात गाठलं. तिला फूस लावून आपल्या दुचाकीवर बळजबरीने बसवलं. त्यानंतर दुचाकी सुसाट पळवत त्याने मुलीला गिरणा धरणावर नेले.

तेथे नेऊन त्याने त्या मुलीवर बलात्कार केला. यादरम्यान मुलीच्या आरडाओरड्याने स्थानिकांनी आवाजाच्या दिशेने धाव घेत आरोपीला रंगेहात पकडलं. त्यांनी नराधमाच्या तावडीतून मुलीची सुटका केली. त्यानंतर गावकऱ्यांनी घडलेला प्रकार पोलिसांना सांगितला. त्यानंतर पोलिसांनी आरोपीला बेड्या ठोकल्या.

गतीमंद मुलीवर अत्याचार, ५५ वर्षीय नराधमाला ठोकल्या बेड्या

त्या घटनेआधी मालेगावात एका ५५ वर्षीय व्यक्तीला गतीमंद असलेल्या १३ वर्षीय मुलीवर अत्याचार केल्याप्रकरणी अटक करण्यात आली होती. हाती आलेल्या माहितीनुसार, ५५ वर्षीय व्यक्तीनं पीडित गतीमंद मुलीला आमिष दाखवत स्कूटीवर बसवून एका निर्जनस्थळी नेलं. तेथे त्याने मुलीवर अत्याचार केला. दिपक धनराज छाजेड, असे नराधमाचे नाव आहे. याप्रकरणी पोलीस ठाण्यात बलात्कार आणि पोस्को अंतर्गत गुन्हा दाखल करण्यात आलाय.