Shocking: राजकारणात खळबळ! बड्या राजकीय नेत्याची हत्या, छातीत झाडल्या ३ गोळ्या

Summary -

• बिहारमध्ये आरजेडी युवा अध्यक्ष मंटू शाह यांची गोळ्या झाडून हत्या

• आरोपींनी छातीत ३ गोळ्या झाडल्या

• आरजेडी नेत्याचा जागीच मृत्यू

• हत्येमागील कारण अद्याप उघड झालेले नाही

बिहारच्या मुजफ्फरनगरमध्ये सोमवारी सकाळी भयंकर घटना घडली. रामपुरहरी पोलिस ठाण्याच्या हद्दीतील धर्मपूरमध्ये आरजेडीचा नेता आणि धर्मपूर पंचायत युवा अध्यक्षाची गोळ्या झाडून हत्या करण्यात आली. मंटू शाह (३५ वर्षे) असं हत्या करण्यात आलेल्या आरजेडीच्या नेत्याचे नाव होते. आरोपींनी आरजेडीच्या नेत्यावर ३ गोळ्या झाडल्या. या घटनेत आरजेडीच्या नेत्याचा जागीच मृत्यू झाला. या घनटेमुळे परिसरात खळबळ उडाली असून तणावाचे वातावरण आहे. पोलिस अधिक तपास करत आहेत.

मंटू शाहच्या कुटुंबीयांनी सांगितले की, मंटू शहा यांचा एक मित्र सकाळी त्यांना घराबाहेर बोलावण्यासाठी आला होता आणि ते त्याच्यासोबत घराबाहेर पडले. या घटनेनंतर कुटुंबाने त्याच मित्रावर हत्येत सहभागी असल्याचा आरोप केला आहे. पोलिसांनी अद्याप या दाव्याला दुजोरा दिला नाही. पोलिस या प्रकरणाचा कसून तपास करत आहेत. हत्येच्या या घटनेनंतर घटनास्थळी ग्रामस्थांनी मोठी गर्दी केली होती.

संतप्त ग्रामस्थांनी पोलिसांना ४ तास मृतदेह उचलण्यास नकार दिला. पोलिसांनी संतप्त ग्रामस्थांची समजूत काढली त्यानंतर पोलिसांनी मृतदेह ताब्यात घेऊन शवविच्छेदनासाठी रुग्णालयात पाठवला. पोलिस घटनास्थळावर सीसीटीव्ही तपासत आहेत. ही हत्या नेमकी कुणी केली याची माहिती अद्याप समोर आली नाही. आरोपी आणि मंटू शाह यांच्यात आधी भांडण झाले असावे त्यानंतर आरोपींनी त्यांच्यावर गोळीबार केला असल्याचा अंदाज पोलिसांनी वर्तवला आहे.

स्थानिकांच्या म्हणण्यानुसार, गुन्हेगार आणि मंटू शाह यांच्यात वाद आणि हाणामारी झाली. त्यानंतर आरोपींनी अंदाधुंद गोळीबार केला. मंटू शाह यांच्या छातीत ३ गोळ्या घुसल्या. घटनास्थळी पोहोचलेल्या एफएसएल टीमने अनेक महत्त्वाचे पुरावे गोळा केले आहेत. गुन्हेगारांची ओळख पटविण्यासाठी जवळच्या सीसीटीव्ही कॅमेऱ्यांमधील फुटेज देखील तपासले जात आहेत. हत्येमागील हेतू अद्याप अस्पष्ट आहे.