Nashik Crime : नाशिकमध्ये धक्कादायक घटना; धुडगूस घालणाऱ्यांना टोकलं; मद्यपींनी केली लष्करातून निवृत्त झालेल्या जवानाची हत्या

Nashik Crime :

भररस्त्यात वाद घालत धुडगूस घालण्यापासून रोखल्याने मद्यपी तरुणांनी लष्करातील निवृत्त जवानाची हत्या केली. ही खळबळजनक घटना म्हसरुळ-आडगाव लिंक रोडवर घडली. याप्रकरणी म्हसरुळ पोलीस ठाण्यात गुन्हा दाखल करण्याचे काम सुरु होते. (Latest News)

रवीदत्त राजेंद्र चौबे (वय ४२) असे खूनाच्या घटनेत मरण पावलेल्या व्यक्तीचे नाव आहे. चौबे हे भारतीय लष्करातून सेवानिवृत्त झाले होते. म्हसरुळ पोलीस ठाण्याच्या हद्दीतील सीता सरोवर परिसरात ही घटना रात्री साडेसात ते ८ वाजेच्या सुमारास घडली. घटनेनंतर म्हसरुळ पोलिसांनी दोघा संशयित मारेकऱ्यांना ताब्यात घेतले आहे.

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

पोलिसांनी दिलेल्या माहितीनुसार, रवी चौबे हे सायंकाळी साडेसहाच्या सुमारास सहकुटुंब कारने जात होते. त्यावेळी सुरभी कंपनीसमोर दोन तरुण मद्यधुंद अवस्थेत गोंधळ घालत होते. त्यांनी आरडाओरड करीत वाहतूक अडवली. त्यामुळे चौबे यांनी दोघांचा पाठलाग केला. मात्र त्यापैकी एकाने चौबे यांच्या छातीत धारदार शस्त्राने वार केल्याने चौबे गंभीर जखमी झाले. या घटनेची माहिती म्हसरुळ पोलिसांना मिळाली त्यांनी घटनास्थळी धाव घेतली.

पोलिसांनी चौबे यांना रुग्णालयात दाखल केले, मात्र त्यांचा मृत्यू झाला. या प्रकरणी म्हसरुळ पोलिस ठाण्यात गुन्हा दाखल करण्यात आलाय. शहरात सलग दुसऱ्या दिवशीही हत्येचीच घटना घडल्याने खळबळ उडाली आहे. तर, तीनच दिवसांपूर्वी शहर पोलीस आयुक्त पदाचा पदभार संदीप कर्णिक यांनी घेतलाय. त्यांच्या पुढे अशा गुन्हेगारांना लगाम घालण्याचं आव्हान आहे.