मालेगावमध्ये १३ वर्षीय मतिमंद मुलीवर अत्याचार झाल्याची घटना घडलीय.
पोलिसांनी आरोपीविरोधात पोस्को कायद्यांतर्गत गुन्हा दाखल करण्यात आलाय.
आरोपीला ताब्यात घेऊन न्यायालयात हजर करण्यात आलंय.
अजय सोनवणे, साम प्रतिनिधी
तीन वर्षीय मुलीवर अत्याचार झाल्याची घटना ताजी असतानाच मालेगावमध्ये पुन्हा एक अत्याचाराची घटना घडलीय. एका ५५ वर्षीय व्यक्तीन गतीमंद असलेल्या १३ वर्षीय मुलीवर अत्याचार केला. याप्रकरणी पोलीस ठाण्यात अत्याचार आणि पोस्को अंतर्गत गुन्हा दाखल करत संशयित आरोपीला पोलिसांनी अटक केली आहे.
हाती आलेल्या माहितीनुसार, ५५ वर्षीय व्यक्तीनं पीडित गतीमंद मुलीला आमिष दाखवत स्कूटीवर बसवून एका निर्जनस्थळी नेलं. तेथे त्याने मुलीवर अत्याचार केला. दिपक धनराज छाजेड, असा नराधमाचे नाव आहे. याप्रकरणी पोलीस ठाण्यात अत्याचार आणि पोस्को अंतर्गत गुन्हा दाखल करण्यात आलाय. या संशयित आरोपीला पोलिसांनी अटक करत आज न्यायालयात हजर करण्यात आले आहे.
नुकतीच मालेगाव तालुक्यातील डोंगराळे गावात एका तीन वर्षीय मुलीची अत्याचार करत हत्या करण्यात आलीय. या घटनेमुळे नागरिक संतप्त झालेत. आरोपीला फाशी द्या, अशी मागणी करत आहेत. त्यानंतर पुन्हा घडलेल्या अत्याचाराच्या घटनेने मालेगाव हादरले आहे. अत्याचाराच्या घटना वारंवार घडत असल्यानं शासनाने दोषींवर कठोर शिक्षा केली पाहिजे.
कठोर कायदा केला पाहिजे, अशी मागणी नागरिकांकडून केली जात आहेत. दरम्यान डोंगराळे येथे झालेल्या घटनेप्रकरणी एका २३ वर्षीय तरुणाला अटक करण्यात आली आहे. २० नोव्हेंबर रोजी आरोपीला न्यायालयात हजर करण्यात आले होते. त्यावेळी न्यायालयाबाहेर नागरिकांना मोठी गर्दी केली होती. नागरिकांमधील निर्माण झालेला रोष पाहून आरोपीला न्यायालयात हजर करणं पोलिसांसाठी कठीण झालं होतं. दरम्यान सरकारी वकिलांनी दिलेल्या माहितीनुसार, आरोपीनं आपण मानसिक रुग्ण असल्याचा दावाही केला होता, पण पोलिसांनी आधीच केलेल्या वैद्यकीय तपासणीमध्ये तो मानसिकदृष्ट्या फीट असल्याचं समोर आल्याची माहिती समोर आली होती.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.