Ashok Kharat: पतीला बाहेर बसवायचा आणि केबिनमध्ये गर्भवती महिलेसोबत...; खरातचा आणखी एक कारनामा आला समोर

भोंदूबाबा अशोक खरात महिला लैंगिक अत्याचारप्रकरणात नवा एक कारनामा उघडकीस आला आहे. नाशिकच्या सरकारवाडा पोलीस ठाण्यात अशोक खरातविरोधात आणखी एक गुन्हा दाखल झाला आहा. खरातने पूजा विधीच्या नावाखाली एका गर्भवतीवर अत्याचार केल्याची बाब समोर आली आहे.

याप्रकरणी सरकारवाडा पोलीस ठाण्यात खरातविरोधात गुन्हा दाखल करण्यात आला आहे. अशोक खरात विरोधात लैंगिक अत्याचार, महाराष्ट्र नरबळी आणि जादूटोणा प्रतिबंधक कलमांतर्गत गुन्हा दाखल करण्यात आला आहे. दरम्यान गर्भवती महिलेनेने अत्याचाराची तक्रार देऊ नये म्हणून खरातने पीडिता आणि तिच्या कुंटुंबियांना जीवे मारण्याची धमकी दिली होती. आता पोलिसात दिलेल्या तक्रारीत धमकीचा उल्लेख करण्यात आला आहे.

नराधम खरात महिलेसोबत येणाऱ्या पतीला केबिन बाहेर बसवायचा. ऑफिसच्या आतमध्ये गर्भवती महिलेसोबत लैंगिक चाळे करायचा. मिळालेल्या माहितीनुसार, नराधम अशोक खरात नकली साप आणि नकली वाघाचे कातडी आणून लोकांना घाबरावयाचा. त्यांना अघोरी कृत्याचा धाक दाखवायचा.

दरम्यान खरात आणि त्याचा ऑफिसबॉय नीरज जाधव या दोघांना समोरासमोर बसवून विशेष तपास पथकाने चौकशी केली. दोघांमध्ये पोलिसांसमोरच जोरदार शाब्दिक वाद झाल्याची माहिती समोर आली आहे. तसेच ऑफिसबॉय नीरज जाधवच्या सीडीआरमध्ये ३० ते ४० महिलांचे संपर्क क्रमांक आढळले आहेत.

त्यामुळे आता एसआयटीच्या हाती महत्त्वाचे पुरावे समोर येण्याची शक्यता वर्तवली जात आहे. एसआयटीकडून नीरज जाधवचा कॉल डिटेल रेकॉर्ड तपासण्यात आला आहे. यात सीडीआरमध्ये ३० ते ४०महिलांचे नंबर सापडल्याची माहिती मिळत आहे. नीरज हा महिलांना अशोक खरातचे निरोप देत असल्याची माहिती सूत्रांनी दिली आहे.