Leopard Attack : घराबाहेर उभ्या चिमुकलीवर बिबट्याचा हल्ला; आईच्या डोळ्यादेखत बालिकेचा मृत्यू

प्रकाशा (नंदुरबार) : शेतात असलेल्या झोपडीबाहेर चिमुकली अंघोळीसाठी उभी होती. याचवेळी (Leopard) बिबट्याने या मुलावर हल्ला करत तिला उसाच्या शेतात फरपटत नेले. यात  साडेतीन वर्षीय मुलीचा मृत्यू झाला. सदरची घटना प्रकाशा (Prakasha) शिवारातील शेतात ६ मे रोजी घडली. 

तळोदा (Taloda) तालुक्यातील तऱ्हावद पुनर्वसन येथील कानसिंग काशा पाडवी हे परिवारासह प्रकाशा शिवारातील शेतात झोपडी बांधून वास्तव्यास आहेत. शेतात मोलमजुरी करून कुटुंबाचा उदरनिर्वाह करतात. दरम्यान ६ मे रोजी दिवसभर (Nandurbar) शेतात काम केल्यानंतर कानसिंग हे झोपडीत झोपले होते. यावेळी त्यांच्या दोन्ही मुलींची अंघोळ करण्यासाठी आईने पाण्याची बादली भरून नेत मुलीला (Leopard Attack) झोपडीबाहेर उभी केली. तर दुसऱ्या मुलीलाही अंघोळीसाठी झोपडीतून बाहेर आणत होती. याच वेळी दिव्यांशी कानसिंग पाडवी (वय ३) हिच्यवर बिबट्याने हल्ला करत तिला फरपटत नेत असताना पाहिले. 

हे दृश्य पाहून आईने आरडाओरडा केला. यामुळे कानसिंगही झोपडी बाहेर आले. याची माहिती परिसरात पसल्याने पिसावर, तऱ्हावद येथील ग्रामस्थ घटनास्थळी दाखल झाले. जमावाने लाठ्याकाठ्या घेत बिबट्या व मुलीचा शोध घेतला. बिबट्या मुलीला जबड्यात धरून ऊस, बाजरीच्या शेतात फरपटत नेत होता. जवळपास अर्धा तास हा प्रकार सुरू होता. जमावाच्या आवाजाने बिबट्याने मुलीला सोडून देत पळ काढला. मात्र तोपर्यंत दिव्यांशीचा मृत्यू झाला होता. मुलीचा मृतदेह पाहून आई-वडिलांसह नातेवाइकांनी आक्रोश केला.