Nandurbar News : तोरणमाळकडे जाणारा रस्ता पहिल्याच पावसात गेला वाहून

सागर निकवाडे 
नंदूरबार : धडगाव तालुक्यातील तोरणमाळ, झापी, लेकडा ते राज्य सीमा मार्गापर्यंत १७ कोटीं रुपये खर्च (Nandurbar) करून रस्ता तयार करण्यात आला होता. मात्र नव्याने तयार करण्यात आलेल्या रस्ता पहिल्याच पावसात (Rain) वाहून गेल्याचा प्रकार घडला आहे. (Live Marathi News)

नंदुरबार या आदिवासी बहुल जिल्ह्यातील अनेक भागात आजही रस्ते झालेले नाही. परंतु प्रधानमंत्री ग्राम सडक योजनेचा माध्यमातून धडगाव तालुक्यातील रस्ता तयार करण्यात आला होता. मात्र या रस्त्याचे काम निकृष्ट दर्जाचे झाले आहे. शिवाय ठेकेदारांच्या हलगर्जीपणामुळे या रस्त्याची दुरवस्था झाली असून पहिल्याच पावसात रास्ता वाहून गेला आहे. यामुळे रस्ता वाहून गेल्याने प्रवाशांचे हाल होत आहे.  

१२ गावांचा संपर्क तुटला 

पहिल्या पावसात रस्ता वाहून गेला आहे. तर काही भागात रस्त्याचे काम अद्यापही अर्धवट असल्याने तोरणमाळ परिसरातील १० ते १२ गावांच्या संपर्क देखील तुटलेला आहे. प्रशासनाने संबंधित ठेकेदारांवर कारवाई करत रस्ता दुरुस्त करावा अशी मागणी ग्रामस्थ करत आहेत.