नंदुरबारमध्ये आश्रम शाळेतील विद्यार्थ्यांमध्ये तुंबळ हाणामारी
१० ते १२ विद्यार्थ्यांनी एकमेकांना धूधू धुतलं
या घटनेचा व्हिडीओ व्हायरल होत आहे
नंदुरबारमध्ये एका आश्रम शाळेत विद्यार्थ्यांमध्ये तुंबळ हाणामारी झाल्याची घटना समोर आली आहे. या हाणामारीचा थरकाप उडवणारा व्हिडीओ समोर आला असून तो व्हायरल होत आहे. शहादा तालुक्यातील नवलपूर आश्रम शाळेतील ही घटना आहे. विद्यार्थ्यांची हाणामारी होत असताना शाळा प्रशासनाचे शिक्षक किंवा कुठलाही कर्मचाऱ्यांनी हस्तक्षेप केला नसल्याने संताप व्यक्त केला जात आहे.
मिळालेल्या माहितीनुसार, शहादा तालुक्यातील नवलपूर येथील आश्रम शाळेत विद्यार्थ्यांमध्ये हाणामारी झाल्याची घटना घडली. विद्यार्थ्यांनी एकमेकांना जमिनीवर पाडून लाथाबुक्क्यांनी मारहाण केली. या हाणामारीत अनेक विद्यार्थी गंभीर जखमी झाल्याची माहिती समोर आली आहे. या हाणामारीचा व्हिडीओ सोशल मीडियावर व्हायरल होत आहे.
धक्कादायक बाब म्हणजे, ही हाणामारी सुरू असताना शाळा प्रशासनाचा एकही शिक्षक किंवा कर्मचारी तिथे हस्तक्षेप करताना दिसला नाही. विद्यार्थ्यांमधील वादाचे नेमके कारण अद्याप अस्पष्ट असले तरी या घटनेमुळे आश्रम शाळेतील विद्यार्थ्यांच्या सुरक्षेचा प्रश्न पुन्हा ऐरणीवर आला आहे. या प्रकरणी प्रकल्प कार्यालय आता काय कारवाई करणार आणि शाळा प्रशासन दोषींवर काय पावले उचलणार, याकडे सर्वांचे लक्ष लागले आहे.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.