मनसे पदाधिकाऱ्याची ट्रेन समोर उडी मारत आत्महत्या, भाऊ अन् आई-वडिलांनी सुद्धा संपवलं आयुष्य; नांदेड हादरले

Summary:

नांदेडमध्ये एकाच कुटुंबातील चौघांची आत्महत्या

दोन मुलांनी ट्रेनसमोर उडी मारत आयुष्य संपवलं

तर आई-वडील घरात गळफास घेतलेल्या अवस्थेत आढळले

नांदेड पोलिस या प्रकरणाचा तपास करत आहेत

संजय सूर्यवंशी, नांदेड

नांदेडमध्ये मनसे पदाधिकाऱ्याने ट्रेन समोर उडी मारत आयुष्य संपवल्याची घटना घडली. उमेश लखे असं या मनसे पदाधिकाऱ्याचे नाव होते. त्यांनी छोट्या भावासोबत ट्रेनसमोर उडी मारत आत्महत्या केली. तर त्यांच्या आई-वडिलांचा मृतदेह राहत्या घरात आढळून आले. दोघेही गळफास घेतलेल्या अवस्थेत आढळून आले. ही घटना नांदेडच्या जवळा गावात घडली. चौघांच्या आत्महत्या प्रकरणामुळे नांदेडमध्ये खळबळ उडाली आहे. एकाच कुटुंबातील चौघांनी आत्महत्या का केली? याचा तपास पोलिस करत आहेत.

मिळालेल्या माहितीनुसार, नांदेडच्या मुदखेड तालुक्यातील जवळा गावात ही घटना घडली. जवळा गावात राहणाऱ्या लखे कुटुंबातील चौघांनी आत्महत्या केली. दोन मुलं आणि आई-वडील यांनी टोकाचे पाऊल उचलत आयुष्य संपवले. दोन मुलांनी ट्रेनसमोर उडी घेत आत्महत्या केली. तर आई-वडिलांचे घरामध्ये गळफास घेतलेल्या अवस्थेत मृतदेह आढळून आले. आई-वडिलांनी आत्महत्या केली की त्यांचा घातपात झाला याचा तपास पोलि करत आहेत. पोलिसांना चौघांचेही मृतदेह ताब्यात घेतले असून शवविच्छेदनासाठी रुग्णालायत पाठवला आहेत. या घटनेमुळे नांदेडमध्ये खळबळ उडाली आहे.

२२ वर्षीय बजरंग रमेश लखे, २५ वर्षीय उमेश रमेश लखे या दोन सख्ख्या भावाची मुगट रेल्वे स्थानक परिसरात ट्रेनसमोर उडी मारत आत्महत्या केली. त्यांचे वडील ५१ वर्षीय रमेश होनाजी लखे आणि आई ४४ वर्षीय राधाबाई रमेश लखे यांचे मृतदेह घरात गळफास घेतलेल्या अवस्थेत आढळले. एका क्षणात संपूर्ण कुटुंब संपलं. ४ जणांच्या लखे कुटुंबाने उचललेल्या टोकाच्या पावलामुळे गावात हळहळ व्यक्त केली जात आहे.

उमेश लखे हा मनसेचा मुदखेडचा माजी तालुका उपाध्यक्ष असल्याची माहिती आहे. सामाजिक कार्यातही उमेशचा सक्रिय सहभाग होता. आर्थिक विवंचनेतून हा प्रकार घडला असल्याचा प्रार्थमिक अंदाज पोलिसांनी वर्तवला आहे. जवळा मुरार गावात पोलिसांचा मोठा बंदोबस्त तैनात करण्यात आला असून वरिष्ठ अधिकारी गावात दाखल झाले आहेत. या घटनेमुळे संपूर्ण गावात शोककळा पसरली आहे.