Young Boy Drowned In Nagpur: फिरायला गेलेल्या तरुणांवर काळाचा घाला! नाव उलटल्याने दोघांचा तलावात बुडून मृत्यू

Nagpur News: नागपूरच्या पारशिवनी तलावात (Parshivani Dam) दोन तरुणांचा बुडून मृत्यू झाल्याची दुर्देवी घटना समोर आली आहे. हे दोन्हीही तरुण नागपूरच्या पारशिवनी येथील तलावात फिरायला गेले होते. यावेळी नौका नयन करताना ही दुर्देवी घटना घडली. या घटनेने परिसरात हळहळ व्यक्त केली जात आहे.. (Latest Marathi News)

याबाबत अधिक माहिती अशी की, नागपूरच्या महेश कॉलनी परिसरातील भवानी जांगिड (वय 24) आणि पंकज जांगिड (वय 23) हे दोन्ही तरुण पाराशिवनी येथील बरेजा पंच कमिटीच्या तलावात फिरण्यासाठी गेले होते. यावेळी ते दोघेही लाकडी नावेत बसून नौकानयन करु लागले. मात्र ती नाव अर्धवट तुटलेल्या अवस्थेत होती. यामुळेच नौकानयन करत असताना अचानक ही लाकडी नाव उलटली. ज्यामध्ये दोन्हीही तरुणांचा दुर्देवी मृत्यू झाला. गुरूवार (३०, मार्च) रोजी ही घटना घडली आहे.

फिरायला गेलेल्या दोन तरुणांवर काळाने घाला घातल्याने सर्वत्र हळहळ व्यक्त केली जात आहे. या दुर्देवी घटनेने दोन्हीही तरुणांच्या कुटूंबावर दुःखाचा डोंगर कोसळला असून पोलिस या संपूर्ण घटनेचा अधिक तपास करत आहेत..(Nagpur News)