Nagpur : नामांकित कॉलेजचा बोगस जात प्रमाणपत्र घोटाळा उघड, शिक्षक आणि विद्यार्थ्यांसह ११ जणांवर गुन्हा; नागपुरात खळबळ

पराग ढोबळे, नागपूर

व्यवसाय अभ्यासक्रमामध्ये अनुसूचित जमातीचे बोगस प्रमाणपत्र तयार करून प्रवेश मिळवल्याचा धक्कादायक प्रकार नागपुरात समोर आलेला आहे. यामध्ये मोठ्या प्रमाणात बोगस जात प्रमाणपत्र तयार करण्याचे रॅकेट असल्याची शंका व्यक्त केली जात आहे. त्यामुळे या सगळ्या प्रकरणात पुढे काय नवीन खुलासे होते याकडे सर्वांचे लक्ष लागलय.

मिळालेल्या माहितीनुसार,गोविंदराव वंजारी कॉलेज ऑफ इंजीनियरिंग अँड टेक्नॉलॉजी कॉलेजचे प्राध्यापक मोहन करंभे, शुभम खोरगडे, आणि अमोल घोडे आणि तीन विद्यार्थ्यांचा सह एकूण ११ जणांवर पाचगाव पोलीस स्टेशनमध्ये गुन्हा दाखल करण्यात आला आहे. यामध्ये तीन विद्यार्थ्यांनी अभियांत्रिकी मध्ये बोगस प्रमाणपत्राचा वापर करून प्रवेश मिळवला आहे.

यासोबत पिंपरी चिंचवड येथील रावेत कॉलेजला सुद्धा प्रवेश मिळवल्याच सांगितलं जातं आहे. त्यामुळे कॉलेजचे प्राध्यापक विद्यार्थी आणि पालक या सोबत बोगस प्रमाणपत्र तयार करणारे यांची ही चौकशी पोलीस विभागाकडून केली जाणार आहे. या प्रकारामुळे आदिवासी विकास विभागात मोठ्या प्रमाणात खळबळ उडाली आहे.

अनुसूचित जमाती पडताळणी समितीच्या सहाय्यक आयुक्त अमिता पिल्लेवार उपसंचालक नीरज मोरे, संशोधन अधिकारी नयन कांबळे यांच्या समितीने केलेल्या चौकशीत हा प्रकार समोर आला. यामध्ये पाचगाव पोलिसांनी गुन्हा दाखल करत या संपूर्ण प्रकाराचे पायामुळे शोधून काढण्याचा काम सुरू केला आहे त्यामुळे याचे पायामुळे राज्यभरात पसरले असण्याची शक्यता नाकारता येत नाही.