Nagpur Crime News: नागपूर शहरामधून एक धक्कादायक घटना समोर आली आहे. नागपूरात तीन वर्षाच्या चिमुकलीचे अपहरण करून पळून जात असलेल्या आरोपीला पोलिसांनी बेड्या ठोकल्या आहेत. ऑटो चालकाच्या समय सुचकतेमुळं रेल्वे पोलिसांनी काही तासातच आरोपीला ताब्यात घेतले आहे. या घटनेने परिसरात एकच खळबळ उडाली आहे.
याबाबत अधिक माहिती अशी की, आज सकाळी 10:30 वाजता नागपूरच्या (Nagpur) इतवारी रेल्वे स्टेशनवर ही धक्कादायक घटना घडली आहे. मुलीचे वडील तिकीट काऊंटर तिकीट काढण्यासाठी रांगेत गेले असताना साधून आरोपीने तीन वर्षाच्या मुलीचे अपहरण केले. वडिलांनी मुलीचा शोध घेतला असता सापडत नसल्याने पोलीस तक्रार केली.
पोलिसांनी समयसूचकता दाखवत सीसीटीव्हीच्या मदतीने आरोपीचा शोध घ्यायला सुरुवात केली. आरोपीने मुलीला ऑटोने मेन रेल्वे स्टेशनला नेले होते. तिथून आरोपी मुलीसह रायपुरला पळून जाण्याच्या तयारीत होता.
पोलीस तपास करत असताना ऑटो चालकाने आरोपीला काही वेळ आधीच मेन स्टेशनला सोडल्याचे सांगितले. पोलिसांनी वायरलेस वरून सूचना देत आरोपीसह मुलीला ताब्यात घेतले. आरोपीने हे कृत्य का केले याचा तपास नागपूर लोहमार्ग पोलीस करत आहे. या घटनेने परिसरात एकच खळबळ उडाली आहे. (Latest Marathi News)
सकाळ+चे सदस्य व्हा
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
