देहविक्रीचं मोठं रॅकेट, तरुणींचे फोटो पाठवायचे, १००० रुपये घेऊन घरीच....; आई-मुलाचा खरा चेहरा उघड

नागपूर शहरातील हुडकेश्वर परिसरातून एक खळबळजनक बातमी समोर येत आहे. गुन्हे शाखेने मोठ्या सेक्स रॅकेटचा पर्दाफाश केला आहे. हा अवैध व्यवसाय आई-मुलगा मिळून चालवत असल्याचे समोर आले आहे. या प्रकरणाची माहिती पोलिसांना मिळताच त्यांनी सेक्स रॅकेटचा पर्दाफाश करत आई - मुलाला ताब्यात घेतलं आहे. या घटनेनंतर परिसरात खळबळ उडाली आहे.

गुप्त माहितीच्या आधारे पोलिसांना हुडकेश्वर लेआउटमधील एका घरात वेश्याव्यवसाय सुरू असल्याची माहिती मिळाली. त्यानंतर गुन्हे शाखेने बनावट ग्राहक तयार करून या रॅकेटशी ऑनलाइन संपर्क साधला. व्हॉट्सअॅपवर करार झाला. एका तरूणीला पाठवण्यासाठी आधी १ हजार मागण्यात आले. पैसे आरोपींपर्यंत पोहोचताच पोलिसांनी घरावर छापा टाकला.

सुनिता विकास कांबळे आणि यश विकास कांबळे असे आरोपीचे नाव आहे. सहा महिन्यांपूर्वी त्यांनी हे घर भाड्याने घेतले होते. आरटीओ विभागातील वैयक्तिक कामाचे कारण सांगून त्यांनी वास्तव्य केले, मात्र प्रत्यक्षात वेश्याव्यवसाय सुरू केला होता.

छाप्यामध्ये पोलिसांनी एका २७ वर्षीय छत्तीसगड येथील महिलेची सुटका केली. तिला पैशाचे आमिष दाखवून नागपूरमध्ये आणले होते. पोलिसांनी छाप्यातून ९४,७०० रुपयांचा मुद्देमाल जप्त केला असून, यात ६३,५०० रुपये रोख आणि ३१,००० रुपयांचे चार मोबाईल फोन आहेत.

पोलिसांनी दिलेल्या माहितीनुसार, अतिशय हुशारीने आरोपी काम करीत होते. ते फक्त श्रीमंत आणि प्रीमियम ग्राहकांनाच टार्गेट करीत होते. मुलींचे फोटो आधी व्हॉट्सअॅपला पाठवायचे. नंतर रक्कम घेऊन मुलीला ग्राहकाकडे पाठवायचे. या घटनेनंतर परिसरात खळबळ उडाली असून, पुढील तपास सुरू आहे.